影片
更多
2022-09-05
42 浏览
时不时就想去打边炉，见呢排天气无咁热，就去咗呢间想试好耐嘅赋汤蹈火！餐厅设计型格摩登，但配衬电话、留声机等旧式通讯工具又带出怀旧嘅感觉。餐厅打卡位甚多，墙壁上挂咗赋汤蹈火嘅霓虹灯牌，甚至厕所门前都有特色，墙壁写上「你知道我在等你吗?」嘅hashtag，玩味十足！餐厅亦有几间VIP房间，由于餐厅都几旺场，所以我哋虽然得两个人，今次都被安排坐喺入面包厢，私隐度好高！火锅材料除咗可以单点之外，仲有按人头计份量嘅火锅套餐，价钱每位二百多元，唔太贵又容易控制budget，而且同朋友gathering时，唔驶谂食咩，好贴心！我哋点咗海鲜火锅套餐（每位$268)，包五式海鲜拼盘、 日本鸡颈肉、安格斯肥牛挂架／黑豚肉／羊肉片(三选一)、自家制手打丸、饺子、炸响铃、田园杂菜盘、清汤底。五式海鲜拼盘包括：海虾、鲍鱼、花姿片、广岛蚝及脆肉鲩片。每款都份量十足，海虾新鲜弹牙，鲍鱼肉质软腍，广岛蚝肥大只美，最钟意食脆肉鲩，每块都好厚身，肉质爽弹扎实！安格斯肥牛挂架卖相吸睛，肥牛油脂分布平均，肉质鲜嫩爽滑，肉味香浓。平时打边炉好少会点鸡颈肉，估唔到日本鸡颈肉咁好食！鸡颈肉肉质嫩滑，口感结实得嚟又唔韧，连住嘅皮仲好
餐厅设计型格摩登，但配衬电话、留声机等旧式通讯工具又带出怀旧嘅感觉。餐厅打卡位甚多，墙壁上挂咗赋汤蹈火嘅霓虹灯牌，甚至厕所门前都有特色，墙壁写上「你知道我在等你吗?」嘅hashtag，玩味十足！餐厅亦有几间VIP房间，由于餐厅都几旺场，所以我哋虽然得两个人，今次都被安排坐喺入面包厢，私隐度好高！
火锅材料除咗可以单点之外，仲有按人头计份量嘅火锅套餐，价钱每位二百多元，唔太贵又容易控制budget，而且同朋友gathering时，唔驶谂食咩，好贴心！
我哋点咗海鲜火锅套餐（每位$268)，包五式海鲜拼盘、 日本鸡颈肉、安格斯肥牛挂架／黑豚肉／羊肉片(三选一)、自家制手打丸、饺子、炸响铃、田园杂菜盘、清汤底。
五式海鲜拼盘包括：海虾、鲍鱼、花姿片、广岛蚝及脆肉鲩片。每款都份量十足，海虾新鲜弹牙，鲍鱼肉质软腍，广岛蚝肥大只美，最钟意食脆肉鲩，每块都好厚身，肉质爽弹扎实！
安格斯肥牛挂架卖相吸睛，肥牛油脂分布平均，肉质鲜嫩爽滑，肉味香浓。
平时打边炉好少会点鸡颈肉，估唔到日本鸡颈肉咁好食！鸡颈肉肉质嫩滑，口感结实得嚟又唔韧，连住嘅皮仲好弹性，好味！
手打丸饺子不过不失，如果款式多D就更好！
炸响铃即点即炸，香脆松化，火锅必点！
最后当然唔少得食D蔬菜，解一解油腻啦！
整体食物质素唔错，价钱合理，服务都好周到，不过呢个套餐包嘅清汤底实在太清淡，无咩调味，有白烚嘅感觉，如果汤底改善一下就更好啦！
张贴
