Wheatfield X 羅宋湯專門店 (青衣城) (已結業)

好耐都冇去过青衣城，今次经过嘅时候见到间好型格嘅餐厅，主打食罗宋汤，价钱亦都适中，所以就拣咗呢间嚟试一试！主打套餐都系以罗宋汤为主，另外有得拣汤面、捞面、或者系餐包、猪扒包等等，适合细食女仔拣少啲淀粉质，或者系男士食多d分量！因为唔算太饿嘅关系，我就拣咗经典罗宋汤套餐，佢无配面，主要系罗宋汤同埋包，另外再配左个薯仔沙律，朋友就拣咗个自选汤面，佢嘅罗宋汤汤底比较浓稠，而且配料好多，有好多菜同红萝卜，不过汤底本身系辣嘅，辣度非常轻微，唔系好食得出！配𩠌方面可以拣牛腩或者猪脾肉，非常大块，足足差唔多有个碗咁大！另外加咗个麻辣鸡丝小食，非常有惊喜！辣得好惹味，食到停唔到口！