影片
更多
2021-11-04
42 浏览
餐厅设有室外及室内。露天区有一幅好大嘅樱花树壁画🌸令人彷似置身樱花树下嘅感觉。配合而家微凉秋风嘅天气🍂同朋友忙里偷闲chill下，啱晒！餐厅室内四处都可以见到BearBrick嘅模型，十足一个小型嘅BearBrick 展览室! 再加上其他型格图画，令每个角落都可以成为打卡点📸我同朋友试咗两杯cocktail、三款菜式及一款甜品：Tamama ($118) 味道似士多啤梨奶昔🍓好易入口，可爱嘅粉红色，适合女仔饮。Blue Hawaii ($98) 颜色好靓，层次分明。用咗3种唔同嘅酒去调配，酒精浓度较高，适合饮得嘅人。意式西西里汁烩八爪鱼 （$118）八爪鱼软腍新鲜，用意大利浓郁蕃茄酱汁慢煮，酸甜醒胃，作为前菜，令人胃口大开。四重芝士披萨（$98）芝士份量充足，有我最爱嘅Blue Cheese，属于重口味之选。配上薄脆批底，增加口感，减轻芝士油腻嘅感觉。蟹肉意大利饭 （$168）新鲜蟹肉喺中间，意大利饭铺满整个碟，再加上几朵可食用嘅鲜花及鱼子作点缀，色彩缤纷，卖相提升100分。一口就能够品尝蟹肉嘅鲜甜、意大利饭嘅烟靭、香浓细滑嘅白汁同鱼子嘅爽脆四重丰富口感。心太软朱古力蛋糕配雪糕 （$7
我同朋友试咗两杯cocktail、三款菜式及一款甜品：
Tamama ($118) 味道似士多啤梨奶昔🍓好易入口，可爱嘅粉红色，适合女仔饮。
Blue Hawaii ($98) 颜色好靓，层次分明。用咗3种唔同嘅酒去调配，酒精浓度较高，适合饮得嘅人。
意式西西里汁烩八爪鱼 （$118）八爪鱼软腍新鲜，用意大利浓郁蕃茄酱汁慢煮，酸甜醒胃，作为前菜，令人胃口大开。
四重芝士披萨（$98）芝士份量充足，有我最爱嘅Blue Cheese，属于重口味之选。配上薄脆批底，增加口感，减轻芝士油腻嘅感觉。
蟹肉意大利饭 （$168）新鲜蟹肉喺中间，意大利饭铺满整个碟，再加上几朵可食用嘅鲜花及鱼子作点缀，色彩缤纷，卖相提升100分。一口就能够品尝蟹肉嘅鲜甜、意大利饭嘅烟靭、香浓细滑嘅白汁同鱼子嘅爽脆四重丰富口感。
心太软朱古力蛋糕配雪糕 （$78）心太软食过N咁多次，唔系间间做得好。Whatever嘅心太软卖相十分IG-able！用匙羹一切开朱古力蛋糕，入面嘅朱古力酱就好似熔岩流出嚟（好疗愈）。热辣辣嘅蛋糕加埋冻冰冰嘅雪糕，香甜不腻，好味道到真系会俾晒心心💕
Cocktails 🍹又好饮，食物又出色🍛同三五知己放工一齐去饮嘢食饭又多一个好选择啦！
张贴