Couple's Kitchen (已結業)

今晚趁住 Happy Friday 就去远少少行街, 见到墨绿色外型嘅 ❥⧽𝐂𝐨𝐮𝐩𝐥𝐞'𝐬 𝐊𝐢𝐭𝐜𝐡𝐞𝐧 ❥⧽ 好吸引, 所以就入去食饭咯。餐厅以墨绿色, 灰色同金色为主, 感觉型格, 枱与枱之间嘅距离亦都好舒适。𓊈红虾海鲜意粉配龙虾汁𓊉除咗红虾, 意粉里面有虾肉, 鱿鱼, 蚬肉, 墨鱼仔同火箭菜。红虾烧得好香, 而且已经拆咗2节虾壳所以好方便食。龙虾汁香浓但系一d 都唔腻, 配埋火箭菜一齐食, 令到意粉个味道清新咗, 好好食。𓊈香辣海鲜黑胡椒软壳蟹意粉𓊉一整只软壳蟹摆盘真系好吸引眼球, 软壳蟹炸得外脆内软, 侧边有半个烧柠檬可以蘸嚟一齐食, 解油腻感。黑胡椒意粉充满橄榄油香, 好惹味。𓊈有气蜜桃苏打𓊉淡淡嘅蜜桃味好香, 饮落唔会觉得太甜, 好味。𓊈有气青苹果苏打𓊉青苹果味超浓, 好清新。𓊈是日餐汤 & 甜品𓊉个汤好有质感, 甘荀味超浓。甜品放得好精致, 窝夫好松脆。✧✧ 整体食物饮品都好好, 职员态度友善, 整个用餐体验都几好, 值得再去呀。