Tapa Room (已搬遷) 新店位置

唔系地胆朋友带路，都唔知道原来君临海域酒店隔离有间咁有特色嘅西班牙餐厅！ 门口系非常有型嘅霓虹灯做主要装饰，入面嘅枱櫈都系高枱櫈为主，而且同样贯彻始终以霓虹灯为装饰，简洁却甚具特色！棒棒鹅肝卖相有啲似平时食开𠮶种糯米糍， 伴碟同埋包围住鹅肝嘅系开心果碎， 而鹅肝系用白酒煮过口感同用煎嘅煮出嚟𠮶种入口即溶嘅口感唔同， 有啲咬口之余鹅肝味仲好浓而且唔会腻， 完全一改我对鹅肝嘅食法！薄切慢煮八爪鱼酱汁系以番茄酱、橄榄油同香草而成 ，啱啱放上枱已经闻到香味 八爪鱼薄薄一片， 唔韧口仲好腍添！ 味道带点咸香同微酸，做前菜真系一流！🤟🏻巴塞隆拿式烤红虾西班牙红虾重点系虾头，果种浓缩嘅鲜甜，配合惹味嘅配料，虾豪令人上瘾回味！而虾身嘅肉质亦嫩而不散， 虾壳亦脆身到可以连壳食😋炸西班牙小青椒 小青椒油润光亮，入口不腻，调味简单，但却咸香惹味，佐酒一流！🙌🏻西班牙海鲜饭海鲜如大蚬、虾同青口全部都好新鲜，而饭底系传统嘅湿润口味，饭粒分明又烟韧，加埋特色忌廉同柠檬嘅调味，浓香得黎又不缺清新，好味得黎性价比都几高！👍🏻