影片
更多
2023-05-07
45 浏览
中环云咸街最近开咗间新派韩式扒房，灰色水泥外墙嘅门面，一唔小心就好容易错过。打开神秘嘅大门，灯光昏暗，充满格调！当日试手左4道菜嘅brunch set，另外加配左free flow package，系近期食过高质嘅一间餐厅！4-course brunch set ($580/pax) JJJ House Salad以沙律开一开胃，有新鲜沙律菜、炸莲藕片、青瓜、海藻等，清新爽脆，够晒轻盈。Quesadilla 以香脆饼皮包裹住丰富嘅熟成牛肉同芝士馅料，牛味相当浓郁，芝士更有拉丝效果，邪恶万分，搭配甜甜地嘅秘制酱汁，令味道进一步升华。Tteokbokki Bolognese炒年糕煮法相当特别，酱料并非韩式辣酱，而系用左番茄肉酱，口感烟韧弹牙，颇新颖嘅一道西韩fusion菜式。Seafood Pancake （+$50）小编一向唔系特别好海鲜煎饼，因为市面大部份都系以面粉为主，但呢到食到嘅可以用惊为天人黎形容！饼皮煎到好香脆，海鲜比例仲多过块饼，每啖都食到新鲜八爪鱼同海虾，极力推介！8 oz 45 Days Dry Aged Ribeye Steak（+$120）牛扒表面煎至香脆可口，比一般
4-course brunch set ($580/pax)
JJJ House Salad
以沙律开一开胃，有新鲜沙律菜、炸莲藕片、青瓜、海藻等，清新爽脆，够晒轻盈。
Quesadilla
以香脆饼皮包裹住丰富嘅熟成牛肉同芝士馅料，牛味相当浓郁，芝士更有拉丝效果，邪恶万分，搭配甜甜地嘅秘制酱汁，令味道进一步升华。
Tteokbokki Bolognese
炒年糕煮法相当特别，酱料并非韩式辣酱，而系用左番茄肉酱，口感烟韧弹牙，颇新颖嘅一道西韩fusion菜式。
Seafood Pancake （+$50）
小编一向唔系特别好海鲜煎饼，因为市面大部份都系以面粉为主，但呢到食到嘅可以用惊为天人黎形容！饼皮煎到好香脆，海鲜比例仲多过块饼，每啖都食到新鲜八爪鱼同海虾，极力推介！
8 oz 45 Days Dry Aged Ribeye Steak（+$120）
牛扒表面煎至香脆可口，比一般牛扒更软嫩，牛味更浓郁，亦能锁住肉汁，沾上喜马拉雅盐作简单调味已经相当美味。更可以紫苏叶配搭大蒜及大酱食用，系另一番风味。
Spicy Stirfried Octopus （+$80）
八爪鱼相当烟靭，新鲜有咬口，以韩式辣酱再加入洋葱、香菇等配料炒香，非常惹味～ 男朋友表示好满意，小编略嫌调味重咗少少。
Ice Cream
有人参同米酒两款口味。小编比较钟意后者，甜甜地，亦有阵阵酒香。前者亦唔会有太大苦涩味，奶味慢慢会渗出黎，都几特别！
Free Flow Package (+$400)
饮酒之人一定要加配无限畅饮套餐，任饮红白酒、香槟、烧酒、啤酒等。小编极力推介大家试吓餐厅自家调制嘅烧酒，每款口味都好特别，小编私心推介桂花味，当中加入本地蜜糖，以蜜糖衬托淡淡嘅桂花香。人参味亦值得一试，另有菊花、梨、蝶豆花等。
张贴
