WOFT (已結業)

前晚去咗 ❥⧽WOFT ❥⧽食饭, 餐厅位置好方便, 走型格路线, 酒吧感觉重, 几有气氛, 有户外位同室内位。𓊈辣汁蕃茄酱橄榄油蒜片虾炒扁意粉 $𝟷𝟸𝟺𓊉蒜片同虾真系好夹, d 虾大大只又爽口, 估唔到有8 只咁多, 好抵食。辣汁加蕃茄酱嘅味道有少少中式, 辣得嚟有少少酸酸甜甜, 都几开胃得意。𓊈香浓芝士旋风薯圈 $𝟽𝟸𓊉我好钟意食旋风薯圈, 见到已经心心眼, 薯圈炸到脆卜卜, 上面d 芝士半溶状态而且好浓郁, 真系好好味!𓊈惹味一口蜜糖肠 $𝟻𝟹𓊉有2 款猪肉肠, 切成一粒粒, 缩起咗好似一顶顶帽咁, 蜜糖味重, 粒粒都甜甜地, 会忍唔住系咁食。𓊈黑松露肉酱千层面 $𝟷𝟹𝟾𓊉好少见黑松露配肉酱, 估唔到味道都夹, 淡淡黑松露香, 唔会太抢味, 肉酱份量都多, 可以啖啖肉。