影片
更多
2009-03-30
129 浏览
一位绿茶怪朋友系英国返黎, 特登带佢黎食Matcha Mango Duo架!!点知一去到, 成个饼柜既款式都系openrice未见过!!全部新款!!无左果款绿茶芒果蛋糕好失望, 不过庆幸依然有一款新既绿茶蛋糕=)当日有5款cake, 同埋6款cupcake, 卖相全部都好靓!!我对cupcake一向兴趣不大, 结果拣了3款cake+1杯mochaCoconut Green好靓好有层次既一款蛋糕, 面头系一层薄薄既青柠jelly,之后系一层厚厚既软滑椰子mousse,椰子味淡淡的,好清,椰子mousse中间仲有一层桑莓jelly!!惊喜!!之后系一块薄薄既焦糖crunch, 劲好味!!!之后系一层绿茶蛋糕, 质感较实, 食得出绿茶味整体味道其实唔太夹, 分开食先会食得出蛋糕有绿茶味Griottine现场睇卖相极靓, 拣佢全因为佢靓!!!此甜品要用匙羹享用, 拱形朱古力兜装住一层层朱古力蛋糕+朱古力酱+软滑忌廉,入面仲有一层浸左rum酒的车厘子,面头果粒车厘子系超浓酒味!!拱形朱古力兜都几滑几几好味, 不过甜左d至于紫色果块朱古力…好难食…味道劲怪Lemon Ganache Tart面头柠
一位绿茶怪朋友系英国返黎, 特登带佢黎食Matcha Mango Duo架!!
点知一去到, 成个饼柜既款式都系openrice未见过!!全部新款!!
无左果款绿茶芒果蛋糕好失望, 不过庆幸依然有一款新既绿茶蛋糕=)
当日有5款cake, 同埋6款cupcake, 卖相全部都好靓!!
我对cupcake一向兴趣不大, 结果拣了3款cake+1杯mocha
Coconut Green
好靓好有层次既一款蛋糕,
面头系一层薄薄既青柠jelly,
之后系一层厚厚既软滑椰子mousse,椰子味淡淡的,好清,
椰子mousse中间仲有一层桑莓jelly!!惊喜!!
之后系一块薄薄既焦糖crunch, 劲好味!!!
之后系一层绿茶蛋糕, 质感较实, 食得出绿茶味
整体味道其实唔太夹, 分开食先会食得出蛋糕有绿茶味
Griottine
现场睇卖相极靓, 拣佢全因为佢靓!!!
此甜品要用匙羹享用,
拱形朱古力兜装住一层层朱古力蛋糕+朱古力酱+软滑忌廉,
入面仲有一层浸左rum酒的车厘子,
面头果粒车厘子系超浓酒味!!
拱形朱古力兜都几滑几几好味, 不过甜左d
至于紫色果块朱古力…好难食…味道劲怪
Lemon Ganache Tart
面头柠檬cream酸酸的好好味,
入面朱古力酱太甜, 但饼底同埋威化好脆好好食
Mocha
朱古力味同咖啡味都唔浓, 不过不失
$55一杯, 早知唔叫 =P
原来7点后有优惠!!早知7点先黎啦`
所有cake都有85折, cupcake仲买2送2添!!!
朋友take away买左4件cupcake, 我就买左4件cake返屋企俾妈咪试,
哈哈结果我5款蛋糕试晕晒!!!
个盒黑色劲靓, 不过太大, 而且无野隔开,
虽然店员已经好好人帮我痴好个底, 但红色果个痴唔到,
返到屋企d蛋糕俾红色果件搞到面目全非…我都无谓影相了…
原来红卜卜既Raspberry Dome系5款入面最好味的!!!
黑猛猛的Orange Chocolate Terrine好浓朱古力味不过好甜,
面头2粒绿色野原来系会爆橙浆的朱古力!!!惊喜!!!
其实今日试的几款蛋糕未至于超级好味, 有d期望过高,
Cake同cupcake全部$32一件, 堂食加一, 其实都尚可接受
主要都系食装修食卖相, 哈哈
CoCo环境就真系一流, 装修好型好cyber!!
一入去我同朋友都哇左一声!
不过果度无乜位, 只得一张高脚大圆枱, 共8个位,
角落亦有4张梳化仔, 不过果度好暗
我应该会再黎的, 下次试埋cupcake先!!^^
张贴
