紅堂 (已結業)

天口开始兴🔥但打边炉嘅瘾永远都唔会停😆🔥最啱就梗系一路叹冷气一路打边炉啦！今次收咗工就一于黎依间好多好评既红堂试下🍲 一入门口就觉得装修好特别，餐厅用上型格既红黑色调同灯光，暗暗地都几有气氛！座位宽敞，枱与枱之间都有间隔，仲有私人包厢，私隐度极高！环境咁好，咁食物又得唔得呢？一嚟就叫咗个鸳鸯锅，汤底拣咗养生麻辣锅X东北酸菜白肉锅，前者系我最钟意既麻辣口味，辣中带麻带椒香，配埋嫩滑既鸭血同豆腐，好正！另外既酸菜汤底入口系香纯既酸度，仲有大量白菜同腩肉🤤配料方面，叫左造型好特别既蟹子墨鱼手打手掌，墨鱼滑相当弹牙，蟹子增加左口感，唔错！另外亦order左手切西班牙牛颈脊、弹弹鹅肠、韮菜蛋饺、紫菜响铃、皇帝菜同稻庭乌冬，大部份食材都好新鲜，最钟意系牛颈脊，牛肉味浓，2个人食都觉得唔够喉🤣🤣整体来讲，呢度绝对系一间环境相当好，食物质素不俗、价钱合理既餐厅，就算三五知己定系同爱人过嚟打边炉都系一个唔错嘅选择，推荐👌🏻