影片
更多
2015-08-19
2484 浏览
COEDO呢个啤酒品牌之前喺超级市场已见过，只知系日本啤酒，但始终未有买嚟饮嘅念头。但从杂志知道喺香港开咗世界上第一间BAR,可以品尝到新鲜手工啤，梗系第一时间约齐人去试吓。 欣赏日本餐厅简约时尚嘅禅味，BAR分室内外两部分，室内行CYBER路线，BAR枱似寿司吧设计。室外座位更无拘无束，但相信秋冬时份比较清爽舒服。最令人惊叹系洗手间非常贴心，连嗽口水同纸杯同准备埋，可媲美酒店水准👍👍 一场嚟到梗系要试吓COEDO BEER PLATTER($100),一SET 有5款口味。就系喜欢日本人对每件事嘅认真态度👍店员好细心先奉上一张CATALOG,再放五杯啤酒上去，确保唔会混淆。每一款口味嘅原材料、风味同酒精浓度有好详细嘅介绍，店员仲提议我哋由淡味啤酒依次饮到浓味，可以品尝到每款啤酒嘅特性。 有酒岂可无肴？COEDO提供和风小食串烧，比起其他BAR更精致用心。锅仔烧大虾($138/4只)虾肉新鲜弹牙，配以香草汁，垫底有炒干葱同蘑菇片，吸收晒虾汁仲好味。炸原只薯仔片($38)用新鲜薯仔切成波浪纹再炸，好明显唔系雪藏货可比，薯仔味天然兼有少少薯肉嘅烟韧，
COEDO呢个啤酒品牌之前喺超级市场已见过，只知系日本啤酒，但始终未有买嚟饮嘅念头。但从杂志知道喺香港开咗世界上第一间BAR,可以品尝到新鲜手工啤，梗系第一时间约齐人去试吓。
欣赏日本餐厅简约时尚嘅禅味，BAR分室内外两部分，室内行CYBER路线，BAR枱似寿司吧设计。室外座位更无拘无束，但相信秋冬时份比较清爽舒服。最令人惊叹系洗手间非常贴心，连嗽口水同纸杯同准备埋，可媲美酒店水准👍👍
一场嚟到梗系要试吓COEDO BEER PLATTER($100),一SET 有5款口味。就系喜欢日本人对每件事嘅认真态度👍店员好细心先奉上一张CATALOG,再放五杯啤酒上去，确保唔会混淆。每一款口味嘅原材料、风味同酒精浓度有好详细嘅介绍，店员仲提议我哋由淡味啤酒依次饮到浓味，可以品尝到每款啤酒嘅特性。
有酒岂可无肴？COEDO提供和风小食串烧，比起其他BAR更精致用心。
锅仔烧大虾($138/4只)
虾肉新鲜弹牙，配以香草汁，垫底有炒干葱同蘑菇片，吸收晒虾汁仲好味。
炸原只薯仔片($38)
用新鲜薯仔切成波浪纹再炸，好明显唔系雪藏货可比，薯仔味天然兼有少少薯肉嘅烟韧，好似日本JAGABEE专门店出品一样好味。
免治鸡肉玉子烧($58)
嫩滑丰满玉子烧，包裹住JUICY免治鸡肉配爽甜萝卜茸，鸡肉冶味松化，比起筑地名店都豪不逊色。
自家制豆腐($60)
用筲箕盛载嘅豆腐，豆味浓同黏身，就咁食本身已经好有风味，加少少姜茸、葱花同豉酒，满有怀石料理感觉。
白芝麻布甸($40)
浓郁芝麻布甸，除咗嫩滑，少甜味，仲混入芝麻碎，香甜有口感。
COEDO BEER WASHED CHEESE($90)
声称用SHIRO@COEDO嚟发酵嘅芝士配法包，芝士味浓郁带少少苦，配啤酒一流。(太快食晒无影相)
另有其他串烧都好出色但由于一上枱已入晒五脏庙所以无相提供。
由于季节性问题，现时只提供5款COEDO手工啤,到9月会再多两款。除COEDO手工啤外，店方仲提供另外五款，包括香港、苏格兰、纽西兰、加拿大同丹麦嘅手工啤酒，一次过满足啤酒迷嘅愿望。
题外话/补充资料：
由于COEDO BEER PLATTER每晚限量供应，如果想试要早啲去
(以上食记乃用户个人意见 , 并不代表OpenRice之观点。)
张贴
