Soul9+ (已結業)

听朋友介绍北角呢间西餐厅食物同环境都唔错，经过呢头就过黎试下。Soul9+位于小巷内，平时比较少注意呢条小巷都有4、5间食店。店内环境较细，好快全店爆满。明显有一班街坊熟客定期光顾。一张卡纸menu 已清楚写晒前菜、沙律、意粉、主菜、pizza 等款式未必系好多，全因所有菜式都系一位型男主厨兼老板主理。新鲜柠皮炸鸡翼$68鸡翼都几大只胀卜卜，咬落juicy带少少柠檬清新嘅香气。波特菇明太子意粉$98一个大啡菇放置系意粉中央，捞满明太子意粉整碟呈粉红色。意粉比一般幼dd, 煮嘅时间控制得刚好唔会过淋：明太子同淡忌廉均匀包裹住整条意粉，好creamy 好幸福。宝云苏澳洲羊架配薯蓉烤杂菜 $228侍应姨姨叫我地order7成熟，果然无介绍错。羊扒除刀一切香气扑鼻，粉嫩嘅肉色呈在眼前。食落羊扒肉质软稔，羊肉香味好够，但又无膻味。