DKLM Bar & Restaurant (已結業)

两个女人仔好耐冇相聚，今日难得大家可以掉底小朋友抽时间出来轻松一下，我地就选择出尖沙咀找个地方可以慢慢吹水食下小食咁的地方。一上来见到墙壁上的画好掂，够哂有型。 😎我地点左几款野食一路食一路吹几爽，蜜糖香烧鸡翼 ~ 鸡翼烧得刚好皮脆入面肉够嫩滑一咬仲有肉汁滴出，个面的蜜糖好味好甜。迷你安格斯牛肉汉堡伴车打芝士及松露薯条 ~ 两件迷你汉堡刚好我地一人一件，个包焗一焗再夹上安格斯牛肉，车打芝士番茄，味道唔错， 松露薯条用上粗薯条，松露好香，如薯条加ddd 盐就仲正。猪手 ~ 我们最爱的菜式脆脆的皮，嫩嫩的肉，够哂味道好岩配啤酒，但我们都赶住回家照顾小朋友，所以冇得啤一啤。