影片
更多
2015-10-12
2623 浏览
近年有唔少了解到工厦o既好处, 纷纷到工厦开办自己o既事业, 而令到工厦有唔少令人期待o既宝藏待人发掘, 而三姐正正系其中之一。系观塘出口行唔超过五分钟就可以见到官塘工业中心, 搭到四楼就系三姐啦, 就地理位置黎讲都相当就脚。入到去, 会发觉到工厦o既餐厅都可以做到几出色, 店内干净企理, 部分枱更有帘分隔开, 私隐度提升左唔少。餐厅外面仲有个贴心o既好地方, 可以吸烟同嘈吵, 方便o的有唔同习惯o既朋友一齐gathering。而入黎个时仲见到唔少水耕植物, 而呢o的水耕菜仲会拣黎入馔, 会觉得特别与别不同。首先就有芝麻酱配有机蔬菜, 作为前菜黎讲, 好岩我胃口, 除左爽口之外, 因为之后会食比较浓味o既菜式, 所以食o的清淡o既清新口腔都系一个细心o既举动。(当然, 加左芝麻酱之后, 唔会寡得太犀利)好快就黎左盅螺头汤, 盅汤好多料好丰富, 又有螺头又有猪肉, 而最重要o既系o的汤好鲜好甜, 试得出熬左好奈!而到到主菜, 系我最钟意o既部分, 东星斑两食, 前一道系用黑松露酱炒, 而另一道就系先炸完再用明梅酱煮。两道菜都将条鱼煮到好嫩滑, 前者黑松露酱唔会抢左鱼o既鲜味, 仲加左红椒
系观塘出口行唔超过五分钟就可以见到官塘工业中心, 搭到四楼就系三姐啦, 就地理位置黎讲都相当就脚。
入到去, 会发觉到工厦o既餐厅都可以做到几出色, 店内干净企理, 部分枱更有帘分隔开, 私隐度提升左唔少。餐厅外面仲有个贴心o既好地方, 可以吸烟同嘈吵, 方便o的有唔同习惯o既朋友一齐gathering。而入黎个时仲见到唔少水耕植物, 而呢o的水耕菜仲会拣黎入馔, 会觉得特别与别不同。
首先就有芝麻酱配有机蔬菜, 作为前菜黎讲, 好岩我胃口, 除左爽口之外, 因为之后会食比较浓味o既菜式, 所以食o的清淡o既清新口腔都系一个细心o既举动。(当然, 加左芝麻酱之后, 唔会寡得太犀利)
好快就黎左盅螺头汤, 盅汤好多料好丰富, 又有螺头又有猪肉, 而最重要o既系o的汤好鲜好甜, 试得出熬左好奈!
而到到主菜, 系我最钟意o既部分, 东星斑两食, 前一道系用黑松露酱炒, 而另一道就系先炸完再用明梅酱煮。两道菜都将条鱼煮到好嫩滑, 前者黑松露酱唔会抢左鱼o既鲜味, 仲加左红椒蜜糖豆等等丰富视觉同味觉; 而后者, 甜甜酸酸o既味道加上外脆内软o既鱼肉, 几乎半盘鱼都系我清走!
而糖心黑蒜炒饭, 我最钟意佢o既地方系炒得够干身, 唔会食落成口油, 正正反映左师传o既技术。加上, 黑蒜同其他配料令到每一啖饭都好香口, 配埋其他小菜, 真系好满足。(而且市面上, 好少人拎黑蒜黎做炒饭, 净系为左试新o野都谂得过)
最后收尾O既系炸芋圆, 将紫芋同紫薯包裹再炸。咬左一啖, 入面o既芋﹑ 薯分开一层层, 食落去又甜又香, 而且食完都唔会觉得腻正如纸上冇油渍一样, 令原本唔太好甜品o既我都忍唔住食多几粒。食完之后, 我会觉得我畀o既钱系物超所值!张贴
