廳2 (已結業)

估唔到我3点几钟落错车、揾唔到地方同家人食野，行行下黎到呢处俾我发现呢间tang2，仲有多国嘅好野食添。我共叫左4样野：麻香口水鸡、和风豆腐沙律、西班形辣肉肠长通粉同芋蓉炖鲜奶。好野呀！连甜品都唔洗揾过个地方食呀。其实我完全未见过黑色的口水鸡，用竹丝鸡去做显得不惜工本好多。摆碟都好精美、似蛋糕多于口水鸡。生蒜芝麻辣油夹埋一齐衬埋滑滑的竹鸡丝，又完全系传统的四川风味bo！就咁食或加个白饭都fit!和风豆腐沙律又真系几日本架^^，喺边边有芝麻酱同青豆酱。豆腐轻轻炸左，外脆内软。沙律菜比平时食开的特别好多，唔系菜黎架，系海草黎架。咁又即时日式左啦，相信比一般菜更健康;)。个长通粉充满左芝士味，但完全唔腻。西班牙辣肉肠咸香可以更带出芝士的浓味，而长通粉的软硬度适中、>3<弹口得来又吸收晒个汁啲味，赞！最最最正、最有保证系个芋蓉炖鲜奶@@。平时用作做甜品的芋头好多都会腥腥臭臭，但呢度个甜品芋头蓉香到好似「热的」「芋头雪糕」咁<3，不论味觉嗅觉都好优胜，令人好想一食再食。炖鲜奶暖暖的、香滑冇渣，同芋蓉好夹。配埋伴碟的两块合桃酥仔，感觉又返返去中式菜系了。