蠔門宴 (已結業)

平时去九龙城都系食泰国菜或者打边炉，今日转一转口味，食下日本菜。呢间蚝门宴听过够都知道系以食生蚝为主，世界各地嘅生蚝即日新鲜运到，我地都唔执输，叫左嚟自大黑神岛同埋江田岛，前者味道会较清新，海水咸味会较少，肉身会较肥美; 而后者就刚刚相反，鲜味跟咸味都会浓啲。接著当然要食下日式刺身，呢盆杂锦刺身有爽甜白澈嘅北奇贝、肥美厚身嘅三文鱼、甜虾、以及较少见嘅翡翠螺，可以话系选料精心，又系值得推介。烧物方面亦都好出色，墨鱼嘴爽口，而烧牛小排就令我印象最难忘，厨师嘅功架十足，烧得外表香口，内里肉身粉嫩，所以食落口嘅时候口感十足，而肉汁亦丰富无比。