品香樓中西風味餐廳

营业中

休息中

提示1: 不要吝啬， 加$6蚊，叫杯冻朱古力有忌廉嘅，你绝对唔会后悔。 提示2: 够人嘅话，嗌小菜啦，一定大满足过你嗌碟头饭。  工作缘故去左城大附近，工作前已经挂住品香楼喇 - 当年城大人嘅老饭堂。 一个人食饭食唯有食返个碟头饭。南乳鸡中翼菜饭，啲鸡翼香脆好食，南乳味啱啱好，啲菜饭带啲油份又香又好食，跟返2条菜，份量真系啱啱好。 再嚟就系冻朱古力跟忌廉，甜得啱啱好，喺呢度食就唔乐求健康饮食喇。朱古力味浓郁，忌廉滑顺，一啖朱古力一啖忌廉好过瘾。 食物十几年都保持到水准，够晒麻甩。环境卫生同服务都十年如一日咁有待改善，但系嚟得茶记食，呢啲都唔介意架啦。