影片
2018-01-18
5542 浏览
圣诞同屋企人唔食西餐食中餐！唔怕同人迫之余又唔会坐地起价～之前都有去过城寨风味，记得啲菜式比其他餐厅特色啲健康啲，而且又可以度身订做！ 今次带屋企人食特别啲！喺门口巳经有大大个餐牌介绍！系连我自己都未食过嘅「富甲天下」！想知究竟系乜就睇落去啦！ 七味黄金豆腐 $68 ［分数：8.5/10］ 先食个小食-七味黄金豆腐！出面好多时都系炸豆腐粒，而呢到就会切成一件件。外层脆皮好薄，但入口仍然好脆！而豆腐就好嫩滑，热辣辣好好食！ 川贝海底椰炖鳄鱼肉1鼎 约$65/位 ［分数：8/10］ 炖汤就拣咗川贝海底椰炖鳄鱼肉，鳄鱼肉同川贝一样可以止咳，加埋海底椰啱晒冬天饮！而且一盅盅咁上，够晒热饮完暖笠笠～下一道菜「富甲天下」同鳄鱼都有关系㗎～ 富甲天下＄1688 ［分数：8/10］ 重头戏嚟喇！「富甲天下」！碟边仲有只鳄鱼衬埋添～而中间一大块凹凹凸凸嘅其实系鳄鱼背胶！因为佢本身无乜味，所以主要靠个汁嚟提味，所以望落会有啲似炆花胶咁。 富甲天下＄1688 ［分数：8/10］ 背胶入面一粒粒凸起嘅野原来系好似核咁，唔食得嘅～而背胶我会觉得似花胶同海参嘅混合体，口感似海参，但又带点花
圣诞同屋企人唔食西餐食中餐！唔怕同人迫之余又唔会坐地起价～之前都有去过城寨风味，记得啲菜式比其他餐厅特色啲健康啲，而且又可以度身订做！
今次带屋企人食特别啲！喺门口巳经有大大个餐牌介绍！系连我自己都未食过嘅「富甲天下」！想知究竟系乜就睇落去啦！
七味黄金豆腐 $68［分数：8.5/10］
先食个小食-七味黄金豆腐！出面好多时都系炸豆腐粒，而呢到就会切成一件件。外层脆皮好薄，但入口仍然好脆！而豆腐就好嫩滑，热辣辣好好食！
川贝海底椰炖鳄鱼肉1鼎 约$65/位［分数：8/10］
炖汤就拣咗川贝海底椰炖鳄鱼肉，鳄鱼肉同川贝一样可以止咳，加埋海底椰啱晒冬天饮！而且一盅盅咁上，够晒热饮完暖笠笠～下一道菜「富甲天下」同鳄鱼都有关系㗎～
富甲天下＄1688［分数：8/10］
重头戏嚟喇！「富甲天下」！碟边仲有只鳄鱼衬埋添～而中间一大块凹凹凸凸嘅其实系鳄鱼背胶！因为佢本身无乜味，所以主要靠个汁嚟提味，所以望落会有啲似炆花胶咁。
富甲天下＄1688［分数：8/10］
背胶入面一粒粒凸起嘅野原来系好似核咁，唔食得嘅～而背胶我会觉得似花胶同海参嘅混合体，口感似海参，但又带点花胶嘅舔口，几特别。应该都有几多骨胶原！
米兰野菌带子＄178［分数：7/10］
干身嘅带子比较少见，底下再配埋炒野菌，两者仲加咗香草落去炒喺其他地方暂时未见过依款菜式~野菌经炒香后变得更为香口，相比之下佢嘅味道竟然比带子更加吸引！
荷叶花旗参蒸鸡$168［分数：7.5/10］
荷叶饭就食得多，但净系蒸鸡又真系少啲，而且仲加咗花旗参入去！不过放心，花旗参味唔算太重，所以唔会有苦味~蒸鸡够嫩滑，带淡淡荷叶香。另外鸡面上仲有少少红枣杞子提味，感觉够晒滋补！
鱼米龙趸泡饭$148［分数：8.5/10］
泡饭入面加咗大量菜粒，睇落好清好健康，另外仲加咗啲葱花、芫茜、冬菇提味，而啡啡白白𠮶啲就系龙趸粒喇！泡饭汤底好鲜甜，饭粒软硬适中，加上大量嘅菜粒，即使食完咁多野都唔觉有腻感，唔会食唔落~
******************************
城寨风味 (九龙城)
九龙城南角道6-6A地下
******************************
以上消费：人均$500
味道：7.5/10
环境：8/10
服务：8/10
卫生：8/10
抵食：8.5/10
张贴
