城寨風味

营业中

休息中

九龙城唔系净系得秦国菜好食嘅，今日去咗呢间城寨风味就系系九龙城做咗十几年嘅老字号中菜。现址系九龙城广场，装修到古色古香。由一般小菜到特色菜都有，今晚就试返最正常嘅嘢食睇吓佢乜嘢水平。脆皮烧乳鸽香港其中一样经典呢度都做到皮脆肉嫩，算系合格有余。海鲜什菜煲好common嘅蔬菜菜式，但系估唔到佢个份量都几足，而且用料上乘，有龙趸片、带子、鲜虾、鱿鱼、虾干，粉丝同什菜吸晒啲海鲜味，我哋食到连汤都饮埋。城寨风味鸡佢哋嘅招牌菜，系一款水蒸鸡，佢哋做到啲鸡肉咁滑真系难得，加上鸡皮有一丝丝嘅甜味，认真系几好食嘅。