影片
更多
2022-05-29
585 浏览
🥰有幸被一位城市大学教授朋友招待，呢间系新装修好既餐厅，同时话说要系教授级同时先可以在此用膳，荣幸吃一餐性价比很高的午餐，也见识了在大学当中，宁静吃饭的过程，在人多挤迫的城市，确实非常与别不同。以下全包一份套餐盛惠 $168烤焗丹麦猪鞍配香橙烧汁伴烤薯及杂菜呢个名好长，好难谂到用配、伴、及，得啊！最近去不同西餐厅食猪鞍都系来自加拿大，今次食嘅系丹麦猪鞍，侍应一放低个碟真系喜出望外。有两大块猪鞍摆你面前，我哋三个冇肉不欢嘅人，大家都系叫同一个餐，即系同一时间有6块猪安喺我的眼前，何其震撼！讲返块猪鞍，肉质算系软淋，有少少黑毛猪嘅香，同埋师傅烤焗嘅方式相信拿捏时间做得唔错，因为猪肉最怕过火，就会无晒肉汁，所以呢块猪鞍系中上水准。同时配上香橙烧汁，有两块细细的橙皮我都食埋，就唔会有好肥腻嘅感觉，块橙皮都唔系苦㗎。跟住陪咗佢焗薯仔同埋不同嘅杂菜有芦笋又翠玉瓜又矮瓜又青椒都系几丰富嘅配搭所以呢个主菜性价比真系高。日式蕃茄粟米沙律配芝麻酱以为系简简单单一个沙律啦！杂菜系需要新鲜嘅先会食到个清甜，咁呢个沙律系做得到嘅配上我喜欢嘅紫洋葱抗氧化极高，同埋紫洋葱有时会过辣，但系我相信佢处理得好好所以冇个辣
烤焗丹麦猪鞍配香橙烧汁伴焗薯及杂菜
19 浏览
0 赞好
0 留言
烤焗丹麦猪鞍配香橙烧汁伴烤薯及杂菜
呢个名好长，好难谂到用配、伴、及，得啊！
最近去不同西餐厅食猪鞍都系来自加拿大，
今次食嘅系丹麦猪鞍，侍应一放低个碟真系喜出望外。
有两大块猪鞍摆你面前，我哋三个冇肉不欢嘅人，大家都系叫同一个餐，即系同一时间有6块猪安喺我的眼前，何其震撼！
讲返块猪鞍，肉质算系软淋，有少少黑毛猪嘅香，同埋师傅烤焗嘅方式相信拿捏时间做得唔错，因为猪肉最怕过火，就会无晒肉汁，所以呢块猪鞍系中上水准。
同时配上香橙烧汁，有两块细细的橙皮我都食埋，就唔会有好肥腻嘅感觉，块橙皮都唔系苦㗎。
跟住陪咗佢焗薯仔同埋不同嘅杂菜有芦笋又翠玉瓜又矮瓜又青椒都系几丰富嘅配搭所以呢个主菜性价比真系高。
日式蕃茄杂菜沙律配芝麻酱
5 浏览
0 赞好
0 留言
日式蕃茄粟米沙律配芝麻酱
以为系简简单单一个沙律啦！
杂菜系需要新鲜嘅先会食到个清甜，咁呢个沙律系做得到嘅
配上我喜欢嘅紫洋葱抗氧化极高，同埋紫洋葱有时会过辣，但系我相信佢处理得好好所以冇个辣味。
特别要赞一赞佢嘅芝麻酱，唔系一大Pat厚身芝麻酱呢冇乜负担感，佢嘅芝麻酱相信用醋开稀左再放落沙律度，所以酱唔多但系你食出每一条菜甚至一粒粟米都系有好清香嘅芝麻味，但系唔会过甜同过肥腻，呢个系我最欣赏呢个沙律嘅做法，为着好多追求食物健康又想有口感同层次嘅人，厨师系有细心谂过，所以非常抵赞！
热、软熟餐包及牛油
16 浏览
0 赞好
0 留言
热、软熟餐包及牛油
15 浏览
0 赞好
0 留言
餐包与牛油
平平无奇嘅餐包与牛油，但系都食出惊喜之处，啡色嘅餐包系有墨香喺里面，个软熟程度同香嘅程度系会令你有幸福感。
另外浅黄色嘅餐包又系软熟，而外层系有少少脆口，成盘餐包系热㗎，朋友估计应该系啱啱焗起，而唔系返热佢平时返热佢𠮶一种，所以唔会干身，同埋食出啱啱焗炉出嚟𠮶一个感觉。
另外你睇吓𠮶块牛油切得几工整，我哋每人有一旧，首先唔使你搣开张纸，三粒工工整整嘅油油放上枱面，就已经系讲紧俾你知喺呢度食嘢系有水准嘅服务，细致度极高，讲完！
抹茶慕丝饼
12 浏览
0 赞好
0 留言
抹茶慕丝饼
一个简简单单嘅抹茶慕丝饼，唔会好甜但系有抹茶清香，配上¼粒士多啤梨，一粒蓝莓小小嘅士多啤梨酱点缀一下，令你完美地食完个午餐，喺圆满嘅画面俾你最后一个画龙点睛嘅功效，真系无话可说！
香浓黑咖啡配蝴蝶酥
10 浏览
0 赞好
0 留言
香浓黑咖啡配蝴蝶酥
25 浏览
0 赞好
0 留言
香浓黑咖啡配上蝴蝶酥
最后一份惊喜，黑咖啡系有质素嘅，唔系求其比杯餐茶你就算数，甘苦适中，跟住个黑咖啡配上蝴蝶酥，呢一个系额外奖赏亦都系令到你对呢间餐厅念念不忘回味无穷嘅一份礼物，我好少饮黑咖啡嘅过程会端上蝴蝶酥俾你做配搭，人生系第二次，感激呢个难忘嘅经验，令你全日都会好开心！
总括嚟讲有时食一餐饭，除咗系见朋友之外，你感受到餐厅服务员、厨师、环境，都系有诚意去服务你，每一个细节位都做到尽善尽美，成餐饭一个套餐都系$168 ，但系完全系高级酒店嘅水准，咁你话系咪好值得感恩呢！再次多谢朋友嘅招待啦！
P.S. 睇返个餐牌，贵精不贵多！
张贴
