賞島咖啡屋

营业中

休息中

赏岛咖啡屋今日喺太子，又多人又多车又热，好想揾间餐厅坐低hea下，然后就见到呢间门面好靓嘅café，一入到执去就感觉到店主好有心思，餐厅入面装修都好靓，系我最爱木系装修，而前枱上面仲有啲英文字母比你砌上墙到，有得食又有得玩～我哋叫咗两个餐，跟咗个甜品～蕃茄汤餐汤有惊喜，口口都食到蕃茄粒，而且黑椒落得足，辣辣地酸酸甜甜，好开胃～饮品方面叫咗cappuccino同特饮honey grapefruit tonic，杯tonic好靓，啲杯系紫色的，杯野系粉红色，少女心爆发～蒜油花椒蚬肉意大利面首先啲蚬肉排得好靓，然后意粉最重要嘅系-al dente！意粉有口感，蒜油意粉最重要嘅两样嘢都做到了～1）蒜油味好香好香，食到停唔到口，2）辣辣地好过瘾，仲要系用花椒，成件事好特别。温泉蛋忌廉卡邦尼意大利面卖相靓，每啖都creamy，意粉弹牙，正！是日甜品有几个选择，我哋拣咗tiramisu，每啖都充满酒香，为今日好chill嘅一餐完美作结。