影片
更多
2015-04-13
1700 浏览
早前睇见食友嘅食评，虽然味道唔知喺唔喺好似食友所言咁坚，但喺，卖相、造型就绝对喺亮点 ，尤其𠮶一道不是粟米，印象犹深，今晚同几个朋友嚟到会一会依条「粟米」，又睇睇固中「城寨」嘅风味，又能否真喺做到乘风破浪 。好喜欢三几个朋友围埋食吓饭，倾吓偈，讲讲近况，谈谈轶日。餐厅环境几有新色，古雅盎然，处处渗出老中国嘅风貌 ，事后先知原来好多摆设，挂画都喺晌大陆上面搜罗，怪不得甚有古迹气息。餐厅设有贵宾厢房，每间都各有特色，个人较喜欢餐厅近尾嘅一间，装修较平实，加少少中式摆设，墙上挂有一幅竹简，舒适自在。打开餐牌，就有一整页介绍九龙城寨嘅少少历史及餐厅嘅背景、经营理念，翻阅餐牌一次，你就会发觉菜式集多个地方之大成，有粤菜，有川菜，亦有杭州菜 ，由冷盘、烧味、特色菜、燕窝、海参、汤羹、鲍鱼、羔蟹、海鲜、小菜、煲仔菜、素菜，至饭面，就连生滚粥、四季盆菜都有 。除咗散点，原来亦有私房菜供应，我问店员只喺个列咗好多特色菜嘅私房菜菜牌咋㖞，但其实都可以俾个「笔直」佢哋度个菜单 ，当然，有几道撚手招牌小菜多数会推荐晌个人化嘅私房菜菜单之上。 麻辣海参丝 $128 以海参切丝做凉拌，感觉上比较
好喜欢三几个朋友围埋食吓饭，倾吓偈，讲讲近况，谈谈轶日。餐厅环境几有新色，古雅盎然，处处渗出老中国嘅风貌 ，事后先知原来好多摆设，挂画都喺晌大陆上面搜罗，怪不得甚有古迹气息。
餐厅设有贵宾厢房，每间都各有特色，个人较喜欢餐厅近尾嘅一间，装修较平实，加少少中式摆设，墙上挂有一幅竹简，舒适自在。
打开餐牌，就有一整页介绍九龙城寨嘅少少历史及餐厅嘅背景、经营理念，翻阅餐牌一次，你就会发觉菜式集多个地方之大成，有粤菜，有川菜，亦有杭州菜 ，由冷盘、烧味、特色菜、燕窝、海参、汤羹、鲍鱼、羔蟹、海鲜、小菜、煲仔菜、素菜，至饭面，就连生滚粥、四季盆菜都有 。
除咗散点，原来亦有私房菜供应，我问店员只喺个列咗好多特色菜嘅私房菜菜牌咋㖞，但其实都可以俾个「笔直」佢哋度个菜单 ，当然，有几道撚手招牌小菜多数会推荐晌个人化嘅私房菜菜单之上。
麻辣海参丝 $128 以海参切丝做凉拌，感觉上比较少，不过，海参食落好爽口，而一客麻辣海参丝满满都喺海参，配以少量青瓜及红椒，味道方面，麻辣得几刺激，少食辣嘅人应该会觉得颇辣。伴碟装饰嘅面粉金鱼固然搓得唯妙唯肖，不过，围碟嘅青瓜片，一块叠一块都喺心机嚟。
麻辣海参丝
$128
69 浏览
0 赞好
0 留言
即烧乳猪 $328（半只） 一上二楼，就会见到有张横额「十大必食推介」，当中就喺依道「即烧乳猪」排头位，除半只，人多可以叫全只（$638），人少则可考虑1/4（$168）或例牌（$118）。其实即烧乳猪好多地方都食到，但去晒肥膏嘅乳猪就第一次食，乳猪皮脆到咔嚓声，好似食威化饼咁，无晒皮下脂肪 ，唔会一口油，再点少少乳猪酱，感觉比平时食乳猪轻怡好多。食完皮，再食肉，多食几件都唔觉「漏」 ！
即烧乳猪
$328
61 浏览
0 赞好
0 留言
秘制黑胡椒烧鸭 $158（半只） 跟个即烧乳猪一样，有分为全只（$278）、半只（$158）或例牌（$118），亦喺店家十大必食推介之一。单睇外观，烧鸭油光亮泽，外皮甘香脆口，鸭肉膻味唔重，入口嫩滑油香 ，沾上秘制黑胡椒酱，惹味度更上一层楼。
秘制黑胡椒烧鸭
$158
57 浏览
0 赞好
0 留言
盘古香妃鸡 $148 俗语有话「盘古初开」，「盘古」喺天地初开后第一个巨人，不过，依道菜嘅「盘古」纯粹攞个谐音，以木盘盛着香妃鸡而已。原只香妃鸡上枱，原来喺以手撕食法，店方预备咗胶手套俾各位，钟意食边截就撕边截，不过，友人好窝心，帮大家一次过手撕好晒 ，慢慢夹嚟食。店员话佢哋个香妃鸡做法喺煮好一大煲汤汁，用低温慢浸形式，怪唔之得鸡肉非常嫩滑，而且好入味，个汤汁仲有少少药材味，唔重，点到即止，唔似肉骨茶𠮶类咁重。
盘古香妃鸡
$148
17 浏览
0 赞好
0 留言
不是粟米 $328 就喺见过食友写依道菜，先令人印象深刻，既然「不是粟米」，究竟喺乜，当然睇过食友嘅食评己知道喺「炸鱼」，做法类似松子鱼，鎅花炸过后做成「粟米粒」形态，再配合小棠菜及发菜嘅装饰，不得不佩服大厨嘅心思及手艺 。由于去晒骨，所以，安心享用，唔怕骾到鱼骨，真喺细节位都好用心，配酸汁，有啲橙味，几清新。
不是粟米
$328
82 浏览
0 赞好
0 留言
米兰野菌焗虾仁 $148 除虾仁，亦有焗带子，适合对虾有敏感嘅人。用上意大利米兰野菌，配合中式虾仁食材，加上杂香草，一道带有意式风情嘅虾仁，菌香四散，虾仁爽口，喺一道浓香口味嘅菜式。
米兰野菌焗虾仁
$148
33 浏览
0 赞好
0 留言
南瓜西米露（免费） 惠顾晚饭而奉送嘅甜品，质素不错，南瓜味唔算好强，但仍渗出丝丝南瓜嘅清甜味，质感再做番稀少少就更啱小弟个人心水。
南瓜西米露
27 浏览
0 赞好
0 留言
张贴
