影片
更多
2015-09-12
276 浏览
行行吓长洲，已到下午茶时间，见佢之前Lunch嘅时候多人谂住冇死，点知…… 睇匀佢个下午茶和午餐menu都冇咩想食，又贵过出面又冇长洲嘅特色。见到board度写住「芝士饼+马卡龙 $40」，我都知系贵咗啲，不过畀起其他食品算冇食水咁深，于是就叫咗嚟食。点知，等……等……等……等咗差唔多15分钟先上。佢对面就系自己的甜品店，甜品净咁攞过嚟就得，𠮶时间店得两抬客，使唔使15分钟咁耐！？我话要赶船，催佢先攞嚟。食物方面，芝士饼嘅味道系对板嘅，有芝士香味。问题系佢嘅质地，实的的。佢唔系元气芝士蛋糕或者雪糕𠮶种实，而是实得嚟用力切就散开𠮶种。马卡龙，系咩味道我食唔出，因为得个甜字，系死甜𠮶种。佢嘅外层系脆嘅，但中间𠮶部份就冇马卡龙𠮶种烟un嘅口感，有啲失望。pat cream更加系totally out of place，得个甜字，令成件事甜上加甜。最后系价钱。我遇预咗堂食贵啲，但冇谂过价钱差咁远。外卖芝士饼$17，马卡龙$10，加埋才$27，而堂食连加一就要$44 如果你唔介意等好鬼耐先有得食嘅就嚟间舖食吧，但我觉得外卖都唔抵
睇匀佢个下午茶和午餐menu都冇咩想食，又贵过出面又冇长洲嘅特色。见到board度写住「芝士饼+马卡龙 $40」，我都知系贵咗啲，不过畀起其他食品算冇食水咁深，于是就叫咗嚟食。
点知，等……等……等……等咗差唔多15分钟先上。佢对面就系自己的甜品店，甜品净咁攞过嚟就得，𠮶时间店得两抬客，使唔使15分钟咁耐！？我话要赶船，催佢先攞嚟。
食物方面，芝士饼嘅味道系对板嘅，有芝士香味。问题系佢嘅质地，实的的。佢唔系元气芝士蛋糕或者雪糕𠮶种实，而是实得嚟用力切就散开𠮶种。马卡龙，系咩味道我食唔出，因为得个甜字，系死甜𠮶种。佢嘅外层系脆嘅，但中间𠮶部份就冇马卡龙𠮶种烟un嘅口感，有啲失望。pat cream更加系totally out of place，得个甜字，令成件事甜上加甜。
最后系价钱。我遇预咗堂食贵啲，但冇谂过价钱差咁远。外卖芝士饼$17，马卡龙$10，加埋才$27，而堂食连加一就要$44
如果你唔介意等好鬼耐先有得食嘅就嚟间舖食吧，但我觉得外卖都唔抵
张贴
