NeNe Chicken (形點 I) (已結業)

之前试过外卖觉得都几好味，所以今次试埋堂食，堂食嘅价钱系比外卖贵。但坐得几舒适。韩式前菜，豆干，泡菜，酸萝卜。几开胃，差唔多食晒。试返上次一样嘅嘢比较下，无骨初雪炸鸡同韩式甜辣炸鸡。分别不大，都系热辣辣香脆肉嫩，甜辣入味，初雪好浓芝士味，未必个个钟意。呢个泡菜芝士蛋炒饭就好大分别啦。首先因为抗疫外卖只系58蚊，堂食差唔多贵一半🙈但堂食就会用铁板上，芝士蛋放饭侧边，即系炉边蛋咁。外卖就芝士炒滑蛋放饭面。个人中意外卖版本😂杯冻柚子茶系最差，落得好少柚子蜜，好淡，悭皮。不过事后谂，唔知系咪野食太浓味所以咁。性价比高，会再食。