景霖正宗四川麻辣米線 (通菜街)

营业中

休息中

平时夜晚收工都比较晏。返屋企重要煮饭咁倒不如是是旦旦揾啲野买返屋企食咪重好。食惯X仔都想试下其他味道既米线。景霖系我其中一个选择。拣完店舖又到拣食咩𩠌。正当开始选择困难出现既时候就会拣金牌。皇牌。精选米线。因为佢已经配好晒𩠌比你。唔使谂食乜。其实我拣景霖重有个原因系因为钟意佢既汤底。佢既汤底特别在唔似其他果啲铺头咁得个酸或者麻。甜甜哋。再加埋自选小小辣。唔觉唔觉会饮多两啖。皇牌米线。(小小辣)鱼片头猪肉片平时堂食啲面都有咬口。唔知系咪外卖啲面浸汤浸耐左。冇晒咬口同埋易断。食到底全部都系面碎。唯一不变就系个汤依然系。如果外卖可以分汤就好。