影片
更多
2022-01-07
724 浏览
黎到堂食最后一日啦，之后半个月晚市都冇得堂食，真系喊出黎！所以我地拣左深水埗米芝连推介既大排档做最后晚餐，之后可能有排都食唔到！🥲✨黄金虾啲虾好大只！而且已经去哂啲脚、虾肠同虾须，非常贴心。虾已经炸透哂，外面脆卜卜，连头、尾都可以食哂落肚。啲虾沾上咸蛋黄同牛油既酱，非常香口，令人忍唔住系咁食，劲邪恶。✨椒盐九肚鱼拼鱿鱼鱿鱼食落去非常惊艳！以前食既炸鱿鱼外层个皮同旧肉好似分开咁，而且好淋，鱿鱼又咬唔开，但呢到既炸皮同鱿鱼混为一体，外层劲脆，而鱿鱼又煮到啱啱好，弹牙唔会韧，加埋少少辣椒粉同酸酸地既喼汁，简直系完美！而九肚鱼我觉得有少少失色，因为九肚鱼切到好细旧咁炸，反而唔系好食到本身九肚鱼个种柔软同嫩滑。✨姜葱蚝煲姜葱蚝煲最重要既系咩？就紧系啲姜葱啦！姜葱既份量非常多，爆香左所以好好食，但系走油走得唔够干身，所以唔够香，干多少少会更好！蚝炸过再煮，食落酥软，又腍又滑，而且汁浓味厚。不过蚝虽然大只，但比较少，得4、5只左右咋！✨沙拉猪扒系openrice见到好多人叫呢味𩠌，但食落又冇咩特别。猪扒几干身，虽然未至于难咬，但亦唔香。而本身个啲橙色既酱汁已经好咸，再加上啲沙律酱再咸左，而且好腻，加
黎到堂食最后一日啦，之后半个月晚市都冇得堂食，真系喊出黎！所以我地拣左深水埗米芝连推介既大排档做最后晚餐，之后可能有排都食唔到！🥲
✨黄金虾
啲虾好大只！而且已经去哂啲脚、虾肠同虾须，非常贴心。虾已经炸透哂，外面脆卜卜，连头、尾都可以食哂落肚。啲虾沾上咸蛋黄同牛油既酱，非常香口，令人忍唔住系咁食，劲邪恶。
✨椒盐九肚鱼拼鱿鱼
鱿鱼食落去非常惊艳！以前食既炸鱿鱼外层个皮同旧肉好似分开咁，而且好淋，鱿鱼又咬唔开，但呢到既炸皮同鱿鱼混为一体，外层劲脆，而鱿鱼又煮到啱啱好，弹牙唔会韧，加埋少少辣椒粉同酸酸地既喼汁，简直系完美！而九肚鱼我觉得有少少失色，因为九肚鱼切到好细旧咁炸，反而唔系好食到本身九肚鱼个种柔软同嫩滑。
✨姜葱蚝煲
姜葱蚝煲最重要既系咩？就紧系啲姜葱啦！姜葱既份量非常多，爆香左所以好好食，但系走油走得唔够干身，所以唔够香，干多少少会更好！蚝炸过再煮，食落酥软，又腍又滑，而且汁浓味厚。不过蚝虽然大只，但比较少，得4、5只左右咋！
✨沙拉猪扒
系openrice见到好多人叫呢味𩠌，但食落又冇咩特别。猪扒几干身，虽然未至于难咬，但亦唔香。而本身个啲橙色既酱汁已经好咸，再加上啲沙律酱再咸左，而且好腻，加上好快冻左就变得唔好食。
✨炸大肠
平时食开既炸大肠系一圈圈，而且炸好到香酥，呢到反面系切长条型再剖开。外层非常香脆，入面又保留到大肠既口感，有少少烟韧。大肠保留左本身既脂肪，但系唔会油腻，点埋甜酸酱非常滋味，而且下面亦有几旧菠萝消滞。
btw，当日第一转已经落左个豆苗，点知等左个几钟、催左几次被告知豆苗卖晒……之后再落菜心，等左大半个钟都未上得，最后顶唔顺取消左。🥲
黄金大虾
67 浏览
0 赞好
0 留言
椒盐九肚鱼拼鱿鱼
55 浏览
0 赞好
0 留言
炸大肠
62 浏览
0 赞好
0 留言
姜葱生蚝煲
73 浏览
0 赞好
0 留言
沙拉骨
61 浏览
0 赞好
0 留言
张贴
