影片
更多
2024-09-21
298 浏览
我明白而家市道难做，好难请清洁工，又为咗悭成本，但我堂食可唔可以唔俾即弃餐具我呢？我哋两个人嗌咗三碟嘢，碟碟都系用埋啲谰系环保嘅餐具我哋，摆到明系因为唔想洗，悭成本💰俾啲即弃餐具我都算啦，可唔可以采购一啲高质小小嘅即弃餐具呢？你睇吓张相，支叉都好似我做瑜伽咁反转折埋，个木匙羹仲扁过我老公个胸！谂住开开心心食部队锅饮吓啲味精汤，个垃圾木匙羹都毕唔到我口水嘅份量，最后要用个纸杯去滗啲汤嚟饮，真系笑死我以及，如果咩都俾晒纸餐具我，平时堂食都系自己拎餐同餐具，咁我不如返屋企食啦做咩坐喺你𠮶度食啊，不如折埋唔好做堂食啦，咁你又可以悭返多啲人手啦㖞，做乜租个场喺太古城中心啫？香港政府真系要立法监管下呢啲餐厅，又话要推动环保，睇嚟都要向餐厅入手，禁止餐厅制造多余嘅垃圾浪费地球资源，堂食客户必须提供非一次性餐具，如果餐厅已人手不足或经营成本问题而坚持只提供即弃餐具比客户，应该向餐厅征收浪费地球资源谁？ （ Benchmark 而家洗碗工嘅人工!）
我哋两个人嗌咗三碟嘢，碟碟都系用埋啲谰系环保嘅餐具我哋，摆到明系因为唔想洗，悭成本💰
俾啲即弃餐具我都算啦，可唔可以采购一啲高质小小嘅即弃餐具呢？
你睇吓张相，支叉都好似我做瑜伽咁反转折埋，个木匙羹仲扁过我老公个胸！谂住开开心心食部队锅饮吓啲味精汤，个垃圾木匙羹都毕唔到我口水嘅份量，最后要用个纸杯去滗啲汤嚟饮，真系笑死我
以及，如果咩都俾晒纸餐具我，平时堂食都系自己拎餐同餐具，咁我不如返屋企食啦做咩坐喺你𠮶度食啊，不如折埋唔好做堂食啦，咁你又可以悭返多啲人手啦㖞，做乜租个场喺太古城中心啫？
香港政府真系要立法监管下呢啲餐厅，又话要推动环保，睇嚟都要向餐厅入手，禁止餐厅制造多余嘅垃圾浪费地球资源，堂食客户必须提供非一次性餐具，如果餐厅已人手不足或经营成本问题而坚持只提供即弃餐具比客户，应该向餐厅征收浪费地球资源谁？ （ Benchmark 而家洗碗工嘅人工!）
张贴
