影片
更多
2023-04-05
131 浏览
去咗616试近排推出嘅信州和牛616牛肉火锅本身就有超多牛肉部位选择，牛肉爱好者必去！近排主打亲民价钱就食到日本长野县嘅信州和牛，好吸引！坐低就自助用QR Code落单，首先拣咗汤低先，都几多选择。因为想试真啲和牛嘅味道，所以拣咗牛骨清汤。呢度唔收加一，只系收每位$10酱油费。◆牛骨清汤 $62呢个汤有好多旧牛骨连肉，仲有萝卜片，好清甜。唔想食太浓味嘅拣呢个汤啱晒！◆信州特选和牛盛(送五花趾) $234信州和牛以苹果饲养，肉质份外鲜甜柔软，分别有牛肩胛、牛腹肉同牛赤身选择，三款肉质同脂肪比例唔同，各有所好。而我就当然试晒三款啦，所以拣咗【信州特选和牛盛】，一个拼盘有齐信州和牛三大部位，仲送一份澳洲五花趾，好抵食呀！三款和牛部位都肉质肥美鲜甜，轻𤆥几秒就食得。超级建议配埋餐厅秒制嘅牛肉汁加少少柑桔汁，有提鲜作用，好好食！个人比较推介牛腹肉，脂肪比例多少少，肉质更加软淋。澳洲五花趾有啲似牛𦟌肉，筋肉分明，带点爽口！◆滑尾龙$48餐厅推介嘅牛肉，有只生鸡蛋，捞埋一齐先落锅碌熟，肉质都几软滑，加埋只蛋就食加滑！有啲似食滑牛咁！肉质同样软滑，有酒香又唔会太浓，比较特别嘅口味，几推介！◆手打墨鱼滑
616牛肉火锅本身就有超多牛肉部位选择，牛肉爱好者必去！近排主打亲民价钱就食到日本长野县嘅信州和牛，好吸引！
坐低就自助用QR Code落单，首先拣咗汤低先，都几多选择。因为想试真啲和牛嘅味道，所以拣咗牛骨清汤。呢度唔收加一，只系收每位$10酱油费。
◆牛骨清汤 $62
呢个汤有好多旧牛骨连肉，仲有萝卜片，好清甜。唔想食太浓味嘅拣呢个汤啱晒！
◆信州特选和牛盛(送五花趾) $234
信州和牛以苹果饲养，肉质份外鲜甜柔软，分别有牛肩胛、牛腹肉同牛赤身选择，三款肉质同脂肪比例唔同，各有所好。而我就当然试晒三款啦，所以拣咗【信州特选和牛盛】，一个拼盘有齐信州和牛三大部位，仲送一份澳洲五花趾，好抵食呀！
三款和牛部位都肉质肥美鲜甜，轻𤆥几秒就食得。超级建议配埋餐厅秒制嘅牛肉汁加少少柑桔汁，有提鲜作用，好好食！个人比较推介牛腹肉，脂肪比例多少少，肉质更加软淋。
澳洲五花趾有啲似牛𦟌肉，筋肉分明，带点爽口！
◆滑尾龙$48
餐厅推介嘅牛肉，有只生鸡蛋，捞埋一齐先落锅碌熟，肉质都几软滑，加埋只蛋就食加滑！有啲似食滑牛咁！
肉质同样软滑，有酒香又唔会太浓，比较特别嘅口味，几推介！
◆手打墨鱼滑$50
墨鱼滑好弹牙，食到粒粒墨鱼，配埋牛肉汁一齐食好鲜味！
◆油麦菜$28
几新鲜爽甜，如果份量再多啲就更好！
◆鲜制手打乌冬$18
呢个手打乌冬系616同日本喺香港开嘅制面所合作，专门整嘅手工稻庭风乌冬，比较幼身，口感嫩滑又烟韧。
◆菊花桂圆露 & 洛神玫红菜 $16@
打边炉唔少得叫下饮品，呢两款都几好饮，唔会太甜，感觉比较健康！
试咗咁多款牛肉，食完好满足！好钟意616嘅秘制牛肉汁呀，点咩都好好食！之后要再试下其他牛肉部位，餐厅仲好贴心有图介绍唔同部位碌几多秒架！616有好多分店，系约朋友聚餐嘅一个好选择！
张贴
