The Right Place (舊墟直街) (已結業)

话说以前都嚟过the right place 食lunch，高质得嚟价钱又合理，当然吸引到人返转头。今日再去，居然系堂食饭盒，一个个叮叮胶盒纸盒直送上枱。叫咗一个鸡髀意粉，上面仲有只supposed半熟但明显overcooked嘅煎蛋，连跟嘅sauce都系用即弃胶兜仔装。意粉一嚿嚿干争争，亦都完全无任何调味。鸡髀就中规中矩，尚算有弹性。Fish burger卖相还可以，但入面嘅菜同蕃茄都颇唔新鲜，淋谢谢；块芝士真系似超市买，要搣开块胶纸𠮶啲；薯条亦系欠缺调味。其实事先都知佢哋喺疫情下成个menu都唔同晒，focus 做take away，只系无谂过堂食都仲要对住啲外卖盒。价钱系平咗，但宁愿佢加价维持质素。服务就不提了，完全唔同晒。希望疫情后，佢以前嘅质素会再番嚟喇。