影片
更多
2021-09-20
79 浏览
以前成日去开九龙塘个间食，今日行经黄埔见到堂食有八五折，一于同阿妈入去食。明炉原条桂鱼丝呢道菜式好考功夫，要用猛火快炒，将桂鱼丝混入蔬菜丝，颜色非常夺目。然后鱼头，鱼尾则炸至金黄松脆，系明炉上兴一兴。鱼肉够厚，只系略嫌唔够鱼味，食落都几滋味。姜葱爆羊肉姜葱爆得有镬气，羊肉微毡但入口软淋，更配有四大块薄饼，薄饼薄得来好烟韧，可以夹住食，并减少油滋滋嘅口感。上海担担面必食！面条幼身，软淋带有嚼口感。汤底好浓，花生好香，能够完美做到挂汤。肉碎有预先腌制过，食落滋味。招牌蟹粉小笼包一笼五只，每粒均有蟹黄喺小笼包上点缀，包皮略嫌厚身 ，但馅料饱满多汁。三丝粉皮比预期中多份量，粉皮凉浸浸有咬口，青瓜丝、火腿丝都切得够切，麻酱份量适中，只系略嫌鸡丝嘅份量有啲少。芝麻豆沙饼芝麻好香，痴得好实，豆沙好绵好清甜。煎得香口，不算油腻，作为饭后甜品，加杯茶真系完美。💡茶芥$12一位
明炉原条桂鱼丝
呢道菜式好考功夫，要用猛火快炒，将桂鱼丝混入蔬菜丝，颜色非常夺目。然后鱼头，鱼尾则炸至金黄松脆，系明炉上兴一兴。鱼肉够厚，只系略嫌唔够鱼味，食落都几滋味。
姜葱爆羊肉
姜葱爆得有镬气，羊肉微毡但入口软淋，更配有四大块薄饼，薄饼薄得来好烟韧，可以夹住食，并减少油滋滋嘅口感。
上海担担面
必食！面条幼身，软淋带有嚼口感。汤底好浓，花生好香，能够完美做到挂汤。肉碎有预先腌制过，食落滋味。
招牌蟹粉小笼包
一笼五只，每粒均有蟹黄喺小笼包上点缀，包皮略嫌厚身 ，但馅料饱满多汁。
三丝粉皮
比预期中多份量，粉皮凉浸浸有咬口，青瓜丝、火腿丝都切得够切，麻酱份量适中，只系略嫌鸡丝嘅份量有啲少。
芝麻豆沙饼
芝麻好香，痴得好实，豆沙好绵好清甜。煎得香口，不算油腻，作为饭后甜品，加杯茶真系完美。
💡茶芥$12一位
张贴
