農米莊 (豉油街)

营业中

休息中

之前揾紧MK有乜食既时候发现左呢间标榜「一碗可以连汤都饮埋既米线」，今日专程嚟试系味真系咁正正值午饭时间，人未算多但要搭台。坐位唔算阔，肥少少都未必坐得落。叫左椰子鸡米线，嚟到比想像中细碗，男士食既话建议加小食，如果唔系应该好快饿讲返个米线，除左鸡，仲有腐竹，冬菇，菜同埋葱，个汤饮落去唔算浓，但真系无味精既清鸡汤。椰子味唔算重，只有一到点味道，我怀疑那一丁点椰子味系面头果一茶匙椰丝黎.....鸡就好滑，但分量唔多，亦都无鸡味. 但总体而言碗米线系有heart可言，毕竟喺香港地要揾间零味精既实在太难. 收你$43仲有鸡食，希望佢真系做到落去啦。