Cafe 1950歐陸餐廳 (已結業)

今日同朋友系大围踩单车，踩到鬼咁攰，于是系附近揾野食，跟住俾我发现到间好野，间野门面当眼位置写住「无限添饮」，真心岩岩晒我地呢啲出左成身汗嘅。一入舖头就发现呢间野装修都算唔错，地方够大，空气够足。。。一坐低无几耐，跟住我地成班饿鬼就疯狂咁叫野食。之后首先上黎嘅野食系烟三文鱼沙律，个份量同卖相真系ok㖞，黑醋配埋啲爽脆嘅沙律菜，同埋鲜美嘅烟三文鱼，真系开胃。白酒忌廉蓝青口 -青口肉质不错，但系啲汁唔够味，如果可以浓味一啲会更好。韩式拉芝士辛辣泡菜鸡肉石板饭，呢个韩式拉芝士辛辣泡菜鸡肉石板饭真系令我好惊喜!真系无谂过会有咁多芝士碎，仲热腾腾咁上碟，而且啲鸡肉又唔系老，都几嫩口，卷埋啲芝士一齐食，仲要配埋一大碗白饭，真系正到爆。德国咸猪手，猪手外面表皮变得金黄脆身，食落去又脆卜卜，肉质幼滑，而且又好香，而且价钱比起外面又唔会太贵。总括黎讲，呢度就真系几正，咁嘅价钱，有咁好质素嘅食物，就实在太令人满意喇。