天草漁場 (已結業)

渣甸坊有栋新building，开咗间新嘅日式餐厅，天草命名。由于刚刚去完四国，起高知县基本上每一日都可以食到鲣鱼，以佢哋嘅传统亦都系用天草嚟烧鲣鱼。第一次起香港嘅日本餐厅见到同日本一样用天草去烧鲣鱼。主要系烧完表面一阵，再切开，里面仍然系生嘅，食落有一种好香嘅 禾秆草味，同鱼味好夹，呢个就系特色。刺身有吞拿鱼腩，肥美好好味。红酒煮牛脷，牛脷好林好入味。日本野菜盛拌番茄味噌，日本野菜盛再加上味噌，味道好好。天草渔场卷，用青瓜包住蟹肉，上高铺咗啲鱼子，食起来几清新。炸川海老，烧起嚟较干身，加少少青柠汁就更嘢味。炸虾仔，好香口，少少咸味，令人食唔停口。天草绯扇贝，烧盾得刚刚好，鲜甜味道。鲍鱼拌海胆味噌， 鲍鱼烧香咗都仲好林身，有几片放咗起一个混咗海胆嘅味噌酱，少少咸味但系又唔会盖过鲍鱼嘅鲜味，记得意。好精致，烧香咗只鸡翼放咗上啲禾秆草上，用个盒装住好精美、又特别。豚肉柚子乌冬，好特别，食落有种柚子嘅香味。黑酱油饭团茶渍，第一次食饭团茶渍，其实只系将饭团烧过，有啲饭焦去面。冲啲热茶再加上一啲黑酱油，几得意味道亦都几好。甜点系绿茶蛋卷，唔系好甜又好软熟。