生隆餅家 (已搬遷) 新店位置

自己本身好钟意食传统月饼，反而对冰皮麻麻哋，一直都想揾间好食嘅传统月饼，因为出面啲大牌子试过真系麻麻地。上网听人讲生隆月饼好好食，琴日特登去深水埗买咗双黄黄连蓉月饼来试，本来仲想买埋糯米糍同五仁月饼，不过暂时未有，迟啲等佢有嘅时候会再过嚟买来试。。月饼攞到手嘅时候仲系热同暖之间，我未试过食即日出炉既月饼，因为出面卖紧𠮶啲大牌子全部都系预先整定既，返到屋企洗完手第一时间切开嚟食，超级超级好味！！！黄莲蓉又软又滑，甜度刚刚好，蛋黄有黄油，又有油香味，仲要个月饼仲暖暖地㗎，又唔似其他牌子甘食落好干身，我未食过啲咁好食嘅月饼，一定会再去买！