NUTTEA (鴻力工業中心)

营业中

休息中

台式饮品不嬲深受香港人喜爱，当然我都系其中一份子，出亲街都想买返杯嚟饮下， 不过饮得多真系唔多健康，想健康啲但又唔可以放弃饮奶茶，就可以试下坚果奶茶。呢间主打坚果饮既NUTTEA，都hit咗一段时间，但一直都无机会试，见佢近排喺九龙湾开咗分店，咁近屋企，点会错过呢个机会约朋友黎试下。店面走简约风🤍呢度既坚果奶盖同埋坚果奶，想必就系用呢五款坚果整出黎，咁足料，唔怪得饮品既坚果味咁重😍✨我嗌左杯四季春坚果奶盖茶，微糖少冰。首先用附上既小铲子试咗啖奶盖先，奶盖非常厚实，份量亦很多，重点系！入口就感受到浓浓既坚果味。之后45度角咁饮，就可以同时感受到四季春既清新同浓郁既坚果奶盖，真系比我想像中更好饮🥰朋友系士多啤梨迷，所以要咗草莓坚果奶🍓由于佢系全素，所以食完饭饮番杯都冇罪恶感，加上佢系用新鲜嘅士多啤梨所制成，饮嘅时候可以食到一粒粒嘅士多啤梨果肉，草莓味非常出众但唔会遮盖坚果奶嘅味道，两者系取得平衡并且非常好饮。不过对于唔饮得甜嘅人来讲建议微甜，另外提一提呢杯系固定冰的。