Peek-A-Poke (heath慶方)

营业中

休息中

#foodiezo食在尖沙咀 #foodiezo九龙篇第一次食PeekAPoke系喺铜锣湾分店，𠮶阵系夜晚禁堂食。。。所以当时系买咗外卖去维园食😅 成个公园都系食外卖嘅人，谂返就觉得好拎惨🫥 记得𠮶阵一打开个饭，哗咗出声，啲饭系塞实晒！仲要劲多吞拿鱼，总之个份量系够2个人食😂 黎到2023，见到佢喺尖沙咀有分店，就去揾吓啲回忆，结果发现，佢嘅份量都系无少过🤣 通涨完全影响唔到良心小店嘅营运初衷，宗旨一定系要塞满客人个肚😆 讲真，我系超级欣赏同尊重呢个态度，好过好多又加价份量又少咗嘅铺头🥲 大食之人一定要多啲支持呢间小店！！！—————————————————————🥗自选风味碗 双拼 $108（另加 海带芽$10、鲜蟹肉 $15）本身呢个碗系包咗两个主食、三种配料同埋酱😀 我拣咗必叫嘅吞拿鱼同八爪鱼、蟹子、豆腐、香菇☺️ 贪心想食多几个配料就加咗钱叫海带芽同鲜蟹肉🤓 我最欣赏系呢度所有嘢都会切到一粒粒，啱晒我呢啲懒𡁻嘢嘅人🤪 吞拿鱼新鲜，系赤身𠮶种，所以切粒就易入口好多 又无筋👍🏻 八爪鱼好爽口，唔难咬开，推介大家叫鲜蟹肉，绝对对得住个价钱，啖啖鲜甜，加埋啲海带芽食，好湿润，层次感大增！