泰尚泰國菜館

营业中

休息中

呢间餐厅我帮衬过好多次，因为贪佢上菜又快，服务又好。咁今日午市时段我又再嚟咗食午餐，因为今日人数比较多，所以佢就安排咗我哋去坐隔离房间，相比之下，呢间房间坐得就逼夹少少，但系都尚算可以。我最钟意嚟呢间餐厅食佢嘅冬阴功汤米粉，咁今日我都叫咗呢一个餐。呢间餐厅除咗主菜之外，只要你嗌咗嘢食，店员都会好快想一碗汤俾你饮。呢碗汤我都非常之钟意饮，入边有好多唔同种类嘅菜，同埋都唔会好味精，所以我都觉得好好饮。以主菜方面，佢嘅冬阴功非常之浓郁，再加上佢有唔同嘅配菜可以选择，例如鸡肉、猪颈肉等等，所以都非常多选择，而我嗌嘅猪颈肉就非常之滑，亦都份量唔细，所以真系非常推荐呢间餐厅。