享慢煮泰 (已結業)

上个星期适逢喺坚尼地城附近返工，咁啱朋友过咗嚟揾我食lunch，于是就上嚟OpenRice睇吓有咩餐厅又可以坐得舒服，价钱又OK嘅。见到呢一间餐厅嘅评价都好好，于是就谂住嚟试一试。我今餐就食咗个佢最出名嘅龙虾汤牛角包同埋蟹肉流心蛋龙虾汁烩饭。首先讲吓龙虾汤牛角包，本身对呢个食物嘅期望都好高，因为见到好多客人都有叫，而且系OpenRice上面嘅评价都唔错。咁佢一上菜嘅时候其实个包都系热辣辣，而我一切开嘅时候，入边嘅龙虾汁就流出来，非常特别，而且好香口。而佢嘅烩饭都好特别，都有好浓郁嘅龙虾味，同埋蟹肉嘅份量都唔少。但系略嫌我觉得有啲唔好嘅地方就系，因为我嗌咗两味𩠌都系龙虾汤，所以就有少少撞咗个味道，不过呢个都系我自己嘅问题，所以系唔关餐厅事嘅。整体上我都非常之推荐呢间餐厅，一嚟坐得好舒服，二来佢嘅食物都真系非常之有特色，如果经过坚尼地城嘅朋友，不妨来试一试呢一间法式fusion餐厅。