魚味市場居酒屋 (已結業)

今日屋企大厦检查电箱，成日冇电，家姐又番master，所以得我同呀妈两个人，所以我哋决定夜晚出去食。呀妈话喺山市街见到一间日本餐厅门口写住十周年，凡惠顾满$200，有八八折，几抵下，所以我哋就决定去试下啦！先嚟一个吉列猪排饭，吉列猪排炸到外脆内软，炸粉好薄，入面啱啱好，真系小弟近年来食过最好食嘅吉列猪排饭！活赤贝刺身真系不得了，鲜甜不突止，仲好稔，唔点酱油食都好正！烧鳗鱼差唔多每次我去日本餐厅都会叫嘅野食，呢度烧完用咗七味粉调味，别有一番风味。另一个主食，我哋就叫咗叉烧拉面，拉面汤底唔算浓郁，几清下，叉烧应该系自家制，好食，仲有个温泉玉子，正，上面几块炸莲藕片加分！最后呢个朴叶炭烧一口和牛，入口即熔，实在冇得弹，高水准！Asahi波子汽水估唔到坚尼地城都有隐世嘅日本卧虎藏龙！