素菲亞 (安發大廈) (已結業)

呢排食左咁多好野，系时候要食下素，健康啲。最近先知原来坚尼地城有一间素食嘅餐厅，我竟然一路都未试过，所以今次就同朋友特登过嚟食啦。野菌忌廉汤+$18呢碗系是日餐汤，味道好浓郁，入口幼滑creamy而又有好多野菌碎，好味。鬼马肉酱意粉$98鬼马嘅原因系佢唔系用左猪肉碎，而系用左omnipork。但食落同真嘅猪肉好似，唔讲都唔知原来系素猪肉。同埋呢个肉酱意粉比起平时𠮶啲唔同嘅系佢有几重嘅香料味，闻落去同埋食落去都比起平时𠮶啲惹味好多，食唔停口。黑松露野菌阔条面$118阔条面口感唔错，煮得几弹牙。黑松露味道都几浓郁，配埋为数不少嘅野菌粒，食完都好饱。诺曼第苹果挞+$38呢款苹果挞好特别，食落会有少少蛋香，又唔会好甜，配埋清甜嘅苹果片，几值得一试。姜母茶姜味浓郁，不过唔会太辣，饮落好暖胃养生。青苹果茉莉绿茶呢杯好好饮，唔会好甜，饮落好清香，我几钟意。