饃饃餃子 (已搬遷) 新店位置

尼泊尔特色菜黄店！呢间餐厅门面装修好有异地色彩，原来系食尼泊尔饺子，入面有两张细枱，如果多人想食嘅话就要买外卖喇。个人认为薯仔波波同饺子系必食嘅！爆汁薯仔香脆波波8个(冻)$40- 香脆波波入面酿入薯仔香料，然后店员会比一支冻汤俾我哋，自己吱入去波波入面，然后一口食个波波。薯仔波波感觉好清新，加埋香脆嘅口感，会一个接一个咁不停食。推介！乳酪红石榴薯仔波波8个(冻)$40- 呢款红石榴就增加咗薯仔波波嘅口感同味道，偏酸甜多啲。我都好钟意食呢款！捞面沙律$25- 起初我以为捞面会系煮熟咗嘅公仔面碎，但系原来系妈咪面嘅感觉，我觉得好干，同埋沙律入面有好多生洋葱，个人觉得麻麻地，可以拣薯仔波波食好啲。香煎/蒸馍馍饺子(鸡肉/猪肉)5只$30/ 8只$48- 猪肉饺子外型好似小笼包，入面都充满肉汁。点上蕃茄香辣汁同芝麻花生汁，十分提味！- 鸡肉饺子外型大只啲，肉质实净啲，都好好味！我会偏爱蒸猪肉饺子同煎鸡肉饺子，煎饺子外皮焦香，不过会油腻少少。高度推介馍馍饺子！黄金牛奶$30- 呢杯牛奶细细杯，用陶瓷杯都几有质感。牛奶暖暖哋，好重肉桂同姜黄味道，唔错。