Waffling Beans

营业中

休息中

特色列日窝夫！本身想约朋友食韩国菜，点知佢星期二唔开，附近见到有呢一间食窝夫嘅西餐厅，一于入去试吓！不过用完QR code点餐都要等十几二十分钟先知上菜，等得耐少少。蟹肉牛油果窝夫三文治跟薯条$95- 窝夫、薯条同沙律用咗一个心形木盘上菜，效果几靓。列日窝夫质地扎实，唔似平时𠮶啲外脆内软。而且已经有调味，咸咸地嘅香草味道，就咁食都已经几好味，加埋蟹肉牛油果酱鲜味就更加突出。可惜窝夫份量仲细过我只手掌，呢个价钱我期望会大块啲。不过个人认为呢款牛油果窝夫好难好似三文治咁夹住食，两块窝夫分开切嚟食会方便啲。薯条新鲜炸起好味道，沙律亦清新。