Alvy's (已結業)

餐厅装修好靓，随便一影都好打卡able😝夜晚去见到有二人套餐，个套餐超抵，包左前菜、鸡翼、沙律、Pizza同两杯啤酒😳餐厅提供十几款tap beer，超过一半都系香港制造嘅～ 我就叫左Jeng，饮落层次好分明，首先系好大浸果香味，然后会有种苦涩味，成件事好清新🍺朋友唔饮啤酒就叫咗杯Just Peachy Cider，超香桃味，好易入口☺️小食方面，我哋拣咗扭扭薯条，份量都几多，而且炸到好脆～最正系个茄汁，同平时快餐店食𠮶啲唔一样，呢度嘅茄汁系真系有蕃茄肉㗎😳由于唔系好食得辣，鸡翼就拣咗威士忌烧烤炸鸡翼～个酱比起一般烧烤酱甜少少，而且有啲麦香味，好易入口，两个人几分钟就食晒成碟🤣个沙律系Alvy’s Caesar，𠮶酱系腐乳酱，而且配料有炸猪皮，整个食材组合都几独特～炸猪皮令到成个沙律嘅口感更加丰富👍🏽因为腐乳酱都会比较咸少少，所以建议大家食之前要捞匀～Pizza 系自制sourdough饼底，食落少少烟韧～有菠菜嘅pizza都系第一次见😳但啲菠菜配埋辣肉肠又出奇地夹，食落又唔怕会湿立立咁，好味！😋由于听讲呢度嘅焗伏特加意粉都好出名，所以另外单点咗一份～果然真系唔错，个酱好creamy同浓