開飯主義

营业中

休息中

溶岩拉丝面包芝士炸鸡 $85 卖相好正，价钱都好平民化，不过食落就无乜惊喜。炸鸡有2只鸡中翼连鸡尖，3只鸡槌，唔系好多肉食。芝士溶岩除左面头有一层芝士，之后食落感似忌廉汤，仲有蘑菇片，唔系好拉到丝，而且够点炸鸡又唔够薯角同面包。铁板珍宝肠什扒 $85半边珍宝肠，加上猪扒鸡扒牛扒，真系超值价！肉质唔老，垫底薯菜又唔会㶶或者淋晒。另上的咖喱汁几香，味道唔错。不过呢个什扒唔系晚餐套餐，要加$15配汤，餐包及饮品，抵到烂啦！系牛角包，冻饮都唔驶再加钱。晚餐套餐餐牌上见到有个珍宝肠什扒饭，价钱只系$65，唔知份量差几多呢。