影片
更多
2024-01-20
7347 浏览
新景园咖喱小厨 Sun King Yuen Curry Restaurant 📍湾仔春园街20号地舖对上一份工嘅office系湾仔春园街附近，每次近lunch time同收工，总会见到一条长长嘅人龙，排队等食新景园。一直都知佢好出名，但无奈我返上一份工嘅时候无心情亦无时间排队，所以一直都无机会食。转咗工之后，居然又系返湾仔，同样喺湾仔返工嘅朋友专程接我放工，然后好有神心咁等6:30新景园开门，誓要食到人气咖喱猪扒饭！虽然我哋未够6:10已经去咗排队，但已经有成十几日排喺我哋前面，最终我哋排咗超过一个钟先入到去食。话虽如此，我哋食过之后都觉得呢个几钟排得好值，好彩我哋坚持排落去，如果唔系就会错失呢次5星食评嘅机会！点解会俾5粒星？因为佢嘅性价比真系好高，虽然一个咖喱猪扒饭要接近$100，但佢真材实料，而且份量好大，要一个人食晒全碟，有如挑战大胃王，身边好多男食客都食唔晒呢！再者，就系佢哋店员嘅优质同贴心嘅服务态度，店员姐姐细心又随和，多次提醒食客，以免佢哋俾啲嘢食辣亲，真系估唔到生意咁好、咁多人排队嘅老店，居然仲keep到咁高质嘅服务，真心抵赞，令我同朋友食完再有冲动去帮衬！ 💰$96
📍湾仔春园街20号地舖
对上一份工嘅office系湾仔春园街附近，每次近lunch time同收工，总会见到一条长长嘅人龙，排队等食新景园。一直都知佢好出名，但无奈我返上一份工嘅时候无心情亦无时间排队，所以一直都无机会食。
转咗工之后，居然又系返湾仔，同样喺湾仔返工嘅朋友专程接我放工，然后好有神心咁等6:30新景园开门，誓要食到人气咖喱猪扒饭！虽然我哋未够6:10已经去咗排队，但已经有成十几日排喺我哋前面，最终我哋排咗超过一个钟先入到去食。话虽如此，我哋食过之后都觉得呢个几钟排得好值，好彩我哋坚持排落去，如果唔系就会错失呢次5星食评嘅机会！
点解会俾5粒星？因为佢嘅性价比真系好高，虽然一个咖喱猪扒饭要接近$100，但佢真材实料，而且份量好大，要一个人食晒全碟，有如挑战大胃王，身边好多男食客都食唔晒呢！再者，就系佢哋店员嘅优质同贴心嘅服务态度，店员姐姐细心又随和，多次提醒食客，以免佢哋俾啲嘢食辣亲，真系估唔到生意咁好、咁多人排队嘅老店，居然仲keep到咁高质嘅服务，真心抵赞，令我同朋友食完再有冲动去帮衬！
[价钱 Price]
💰$96 (+$10 转套餐)
咖哩猪扒饭 🍛
呢度嘅咖哩猪扒饭咁出名，真系唔系无原因㗎，你哋睇下！一碟饭上面有两大块厚炸猪扒，份量大到基本上遮住晒成碟饭，真系唔系浪得虚名！佢嘅驰名咖喱系分上嘅，每碗咖喱基本上都有跟配一大嚿薯仔。我哋都好钟意佢嘅咖喱唔系直接淋上猪扒度，因为佢嘅咖喱比一般港式咖喱辣，重香料味而且带后劲，呢种味道真系为味蕾带嚟冲击，好正！
炸猪扒火候控制得好好，令两大块猪扒炸得干身但口感唔会柴，而且炸粉好薄，唔似坊间嘅炸猪扒咁，又厚、又甩皮。
净食咖哩猪扒饭，单价系$96，我哋加咗$10转套餐，跟配油菜，汔水或例汤 。今晚嘅例汤系雪耳煲鸡，每碗都有好多汤料㗎，冬天饮到碗热辣辣嘅汤水，真系无得弹！油菜系灼菜心，都渌得几淋身。个人几推介转套餐，一嚟只系需要加$10，二嚟就系本身个饭肉量太多，食返啲菜营养会均衡啲！
[价钱 Price]
💰$102
沙嗲鱼柳煲 🥘
由于呢度有人均低消$80嘅限制，所以我哋都叫多个晚市煲仔餐，考虑到天气冻，叫茄子煲会好快冻晒，我哋就拣咗沙嗲鱼柳煲。呢度嘅煲仔菜全部上台嘅时候都出晒烟，上菜嘅哥仔居然可以徒手揭起煲盖，功力真系十分惊人！
呢个沙嗲鱼柳煲同样足料，件件鱼柳都有个碗仔咁大件，而且唔会过份厚份，加上惹味嘅沙嗲汁，真系好食到停唔到口呀！除咗鱼柳，煲内仲有青红椒、菠萝、洋葱同粉丝，啲粉丝索满沙嗲汁，捞饭食简直系绝配！
张贴
