二家姐正宗原味麻辣火鍋

营业中

休息中

佐敦文英街一直都好多嘢食，有串烧、有点心，但系我特别钟情其中一间火锅店，就系二家姐。-而家二家姐喺同一条街已经开咗第二间分店，仲可以有独立房间， 有时要揾独立房嘅火锅店真系好难揾，二家姐系一个唔错既选择! 讲返野食先，主打嘅麻辣火锅汤底就同出面好唔同，第一佢系主张坚持无味精、冇老油，即系绝唔会返用，亦都唔会预先泡制汤包到港。可以咁讲，出面我食过唔少嘅麻辣火锅店，佢嘅汤底食完真系会好口渴，因为真系落咗唔少味精、添加剂。当然老板想大家食得健康，个汤底系要作少少牺牲平衡，系无出面既食得咁过瘾、咁刺激。食材方面都好唔错好新鲜! 其实二家姐最有卖点嘅除咗喺火锅汤底之外，仲有佢嘅活鱼刺身，今次老板推介左我地食立鱼刺身，除咗刺身讲求新鲜之余，佢嘅卖相都好有诚意。首先佢用金箔铺喺刺身面， 然后再用「孔雀开屏」将炸过既鱼骨盛起，食落真系好脆口!濑尿虾墨鱼滑真系好少有，佢将手打墨鱼酿入新鲜濑尿虾，口感好爽口好特别。而鬼马油炸鬼就即叫即炸，就咁食都好脆好新鲜。另外必试素腰花亦都好有惊喜，冇谂过豆制品都可以造到咁弹牙，仲听到隔离枱要encall😝-●惊喜菜式: 金箔立鱼刺身(一味二食) 圣子皇 素腰花 濑尿虾