Le Viet (已結業)

在尖沙咀区打响名堂之后Le Viet竟然在旺角热闹地段开业，每次经过旺角都会见到大大个落地玻璃，今次同男朋友两人收工去叹下先。店内环境非常大，干净整洁，座位之间亦有足够的间距，晚上10点去客人不多，好舒服。柚子海鲜沙律在香港黎讲，算是我食过最有水准。青木瓜爽脆新鲜，粗幼一致口感平衡。鱼露刻意中和之后很配青木瓜，有大虾、蚬仔及原只墨鱼仔，份量多而且每样都够冻，更有口感。越式小食拼盘非常高既评价，可以3人共享，猪颈肉弹牙，有肉汁，越式春卷好脆。牛油鸡翼牛油味不算很香很香，但味道意外地有惊喜，好像新加坡既麦片虾咁，炸粉甜甜地（唔知系咪真系落左麦皮炸呢？）鸡翼好入味，而且好大只。建议先试一只原味，之后再滴几滴青柠汁落去，味道多了一份清新，酸味稍稍刺激味蕾。特别火车头好欣赏餐厅的细致位，用上一个长身玻璃小杯去盛载大条粗身既银芽，仲要加水保持水份，食果时先放落去，银芽坚系爽脆。汤底属浓郁风格，牛腩味好浓，最喜欢柏菜，够弹牙而唔难咬。泰国品牌既梳打水，加青柠冰底，my非佛！整体CP值高，但建议店内音乐可以细声少少。下次一定会再黎。见到隔离枱个法包好像好正咁，下次要试。