NUTTEA (海光街) (已結業)

一直都听讲呢间坚果奶好出名，今日放lunch就跟同事一齐去买嚟试下。。。估唔到真系好多人买，仲有好多款式拣。真系心大心细，好多都想试下😂伯爵朱古力坚果奶盖茶满满一杯，颜色都系朱古力色，真系有伯爵茶味？点知一试真系有惊喜！！拎到手嘅时候，店员要俾埋小匙羹，原来饮之前可以食左奶盖先。啲坚果奶盖好香浓，食到好浓嘅榛子果仁朱古力味，好滑又绵密。。。之后再啜啖伯爵茶，真系清而香，除左饮到朱古力味，仲会感觉到好清嘅伯爵茶。再试下摇均饮，又系另一个口感，好似饮紧朱古力奶？伯爵奶茶😂好好饮。饮完一杯真系饱哂！宇治坚果奶茶呢杯一闻落去，好香抹茶🍵饮一啖就觉得好清香，呢杯唔会好浓奶味，一样有饮到粒粒坚果。。柠檬塔绿水果茶睇落好似好浊咁，饮入口好重柠檬味！真系好酸，有啲似食果款柠檬超酸糖一开始果种感觉🤣不过唔会酸到呛喉啦。另外仲会饮到香草叶味嘅。可能我地叫左半糖先会酸啲，正常可能唔一样。。仲有如果唔想等，可以whatapp 落单先，lunchtime真系好多人嗌，我地今次都等左15分钟。记得仲可以拣甜度冰度，常温都得咖！