NUTTEA (海光街) (已結業)

返工附近一直都有呢一间饮品店，而且每次都好多人排队。今日咁岩见到冇乜人排队，所以就同朋友入咗去试饮下啦！入边嘅装修比较简洁，而且啲职员都好好人，好有礼貌。店舖入边有介绍唔同坚果嘅资料，呢一间店舖主打坚果嘅饮品，其实都几特别，至少我喺香港未见过！而且佢仲有一个介绍牌，介绍佢哋唔同饮品嘅甜度，清晰非常简洁。喺Menu上见到呢一个伯爵朱古力坚果奶盖茶系最推介嘅，所以都买咗杯黎试吓！佢上面嘅奶盖差唔多占咗成杯嘅三份之一，劲足料！佢上边嘅奶盖好creamy，配埋一啲黑朱古力粉，成个口感好正！而且我嘅茶系嗌左无糖，饮落去唔会好腻！