爆汗串串 (已結業)

今日行旺角见到呢间叫爆汗串串个名咁搞笑，另一半又话想食辣野~见入面咁多人应该都唔会伏，于是就入去试一试~串串以放题形式任食，我地黄金时段入座，连小食都可以任食，加$30有埋饮品任饮，有汽水啤酒，仲有豆浆同凉茶，食辣野唔饮野好唔过瘾，所以呢$30一定要加啦!好肚饿拿拿声ORDER左D小食先，食住等串串~款式有棒棒鸡、莲藕片、千层肚、钟水饺等等，仲可以叫饭同面，我地就叫左成都猪肠面同爆汗牛肉面。小食好快黎到，棒棒鸡有麻酱捞匀，仲有D青瓜丝，冻食几fresh~另外我都好钟意钟水饺，细细粒几好咬口，莲藕片辣得黎爽口，都系唔错既小食。爆汗牛肉面我叫左猪骨汤，即系唔辣既，味就清淡D，但面质唔题，牛肉细粒D但都有肉味，唔错。成都猪肠面个汤底红当当，个面配呢个汤底真系另一番味道!重口味既建议叫番呢款辣味既!之后串串就登场~店员俾左一锅麻辣汤底我地先，然后将熟左既串串摆入去~成堆串串一次过黎个卖相都几过瘾~我地叫左好多丸，贡丸花枝丸牛筋丸浸左落D汤底度都几好食，但D索汁既食材，好似西兰花、土豆、火腿金菇索哂D汤汁真系仲正!最后食埋个冰粉解辣，第一次食冰粉，甜甜地滑溜溜~好食!其实我本身唔系好食辣，但呢度