得龍粉麵茶水檔

营业中

休息中

未到炎夏，拿拿声过嚟食晏，因为要坐街边食，太热的话自己都惊顶唔顺。钟意食杂锦汤檬，一碗有齐鸡扒、扎肉同鱼饼。薄身鱼饼混有香草，少少脆口，份外惹味。汤底，冇劲口渴副作用，咸度刚好。香菜、芽菜同金不换等配料都多，用汤匙隔开的青柠同红椒粒，先系极品。青柠向来系至爱，见到佢喺度已经开心；红椒粒够辣，即时令个汤醒神晒。碗面份量唔大，如果好肚饿，叫个香茅猪扒双蛋饭就稳阵d。笃烂蛋黄，蛋液拌匀白饭，由于猪扒系碎上，好轻易就可以将猪扒同饭二合一入口。钟意食饭要多汁的朋友要留意，呢碟饭系坚冇汁，豉油都系得好少。自己唔好多汁，所以接受到，反而享受到猪扒同蛋的味道。香茅猪肉捞檬的猪肉非常入味，肉汁丰富，香茅味浓，大喜。捞檬汁，西贡越南真味的出品更佳。